fbpx
Föstudagur 16.apríl 2021
Fréttir

Þorsteinn segist ekki missa svefn yfir umfjöllun Kveiks um Samherja í gær

Kristján Kristjánsson
Föstudaginn 19. febrúar 2021 06:58

Ekki missa af Helstu tíðindum dagsins í pósthólfið þitt

Lesa nánar

Þorsteinn Már Baldvinsson, forstjóri Samherja, segist ekki missa svefn yfir umfjöllun Kveiks um Samherja í gærkvöldi. Í þættinum var fjallað um viðskipti Samherja í Namibíu og á Kýpur. Þorsteinn segir umfjöllunina vera áframhaldandi aðför RÚV að Samherja og starfsmönnum fyrirtækisins.

„Þetta er óhikað gert á sama hátt og þeir gerðu í seðlabankamálinu,“ hefur Morgunblaðið eftir Þorsteini í umfjöllun um málið í dag.

Í Kveik voru forsvarsmenn Samherja sagðir hafa svikið samstarfsfólk sitt í Namibíu sem þeir ráku útgerðina Arcticnam með. Þessi samstarfsmenn létu gera rannsókn á samstarfinu og í skýrslu um hana er fullyrt að Samherjamenn hafi dregið sér fjármuni með því að ofgreiða félögum Samherja eða þeim tengdum fyrir þjónustu.

Morgunblaðið hefur eftir Þorsteini að ekkert hafi komið fram sem ekki sé hægt að hrekja. Samherji hafi greitt verulega skatta til Íslands vegna skipa sem aldrei komu hingað til lands. Hann sagðist einnig nýlega hafa fengið skýrslu rannsakenda, sem voru ráðnir af fyrrum samstarfsmönnum Samherja í Namibíu, og sagði hann skýrsluna uppfulla af fyrirvörum. „RÚV hefur mikið af gögnum sem enginn annar hefur og sýndi okkur engin gögn,“ sagði hann.

Þorsteinn sagði að fullyrðingar um að fiskur hafi verið seldur á undirverði hafi verið settar fram með fyrirvara um að rannsakendur hafi ekki séð fisksölureikninga. „Það eru mjög margir fyrirvarar í þessari skýrslu sem við munum svara fyrir. Fyrirvörunum sér RÚV ekki ástæðu til að gera grein fyrir,“ sagði hann og bætti við: „Ég verð ekki andvaka yfir þessum þætti í nótt.“

Hvað varðar skýrslu sem Samherji lét gera um rannsókn á eigin starfsemi sagði Þorsteinn að ekki hafi verið tekin ákvörðun um hvort hún verði gerð opinber á næstunni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Gunnar fékk 13 ára dóm fyrir morðið á bróður sínum á síðasta ári en var sleppt úr haldi í dag

Gunnar fékk 13 ára dóm fyrir morðið á bróður sínum á síðasta ári en var sleppt úr haldi í dag
Fréttir
Í gær

Hefur þú séð þennan mann?

Hefur þú séð þennan mann?
Fréttir
Fyrir 3 dögum

Eva segir Kára til syndanna – „Æ, Kári, þetta eru ekki rök“

Eva segir Kára til syndanna – „Æ, Kári, þetta eru ekki rök“
Fréttir
Fyrir 3 dögum

Reiðarslag fyrir konurnar sem greindu frá harðræði á Laugalandi

Reiðarslag fyrir konurnar sem greindu frá harðræði á Laugalandi
Fréttir
Fyrir 3 dögum

Nýjar vendingar á gosstöðvum – „Tveir eða jafnvel þrír“ nýir gígar opnuðust í morgun

Nýjar vendingar á gosstöðvum – „Tveir eða jafnvel þrír“ nýir gígar opnuðust í morgun
Fréttir
Fyrir 3 dögum

Ingvar Árni fer inn í níu mánuði vegna undirheimauppgjörs – Skotför fundust á BMW bifreið

Ingvar Árni fer inn í níu mánuði vegna undirheimauppgjörs – Skotför fundust á BMW bifreið