Um sjöleitið í kvöld var lögregla og slökkvilið kallað út í Fellsmúla 10-12 vegna eldsvoða í stóru fjölbýlishúsi. Samkvæmt heimildarmanni DV á vettvangi hefur slökkvuliði tekist að slökkva eldin, þó sé starfinu ekki lokið og enn verið að sprauta.
„Þú finnur sótlyktina langt út á götu. Fólk er grátandi úti á götu,“ sagði heimildarmaðurinn.
Þrír sjúkrabílar, tveir dælubílar, einn körfubíll og fimm eða sex lögreglubílar eru á vettvangi. Útlit er fyrir að mikill eldur hafi verið og mikið tjón hafi orðið, líklega algjört altjón. Líklega á eldurinn upptök sín úr eldhúsi. Íbúar hússins komust út af sjálfsdáðum.
Vegna eldsins finnst nú reykjarlykt víða um borgina.
Hér má sjá myndir af vettvangi:
