Klukkan 14, laugardaginn 8. ágúst, verður regnbogafáninn dreginn að húni við kirkjur víðs vegar um landið í samstarfi við ÆSKÞ, Æskulýðssamband Þjóðkirkjunnar. Þjóðkirkjan í samstarfi við Samtökin ´78 boðar til kynningarfundar undir verkefninu Ein saga – eitt skref.
Vegna kórónuveirufaraldursins verður fundurinn ekki opinn heldur verður honum streymt á Youtube.
Streymið verður hér:
Heimildir DV herma að á fundinum muni Agnes M. Sigurðardóttir biskup muni biðja hinsegin-samfélagið afsökunar á framferði kirkjunnar í garð samkynhneigðra. Um verkefnið Ein saga – eitt skref segir á heimasíðu verkefnisins:
Tilgangur verkefnisins er að gera upp og læra af sögu misréttis gagnvart hinsegin fólki innan kirkjunnar. Fyrsta skrefið verður að safna persónulegum reynslusögum af fordómum og andstöðu Þjóðkirkjunnar við réttindi hinsegin fólks í gegnum árin.
Sett hefur verið upp sögusíða þar sem hver og einn, sem geymir sögu sem hann/hún/hán vill deila, getur fyllt út form og skilað inn. Sögunum verður safnað saman af Samtökunum ´78.
Slóð sögusíðunnar er: www.einsaga.samtokin78.is
