Aðeins einn einstaklingur greindist með kórónuveirusmit innanlands í gær.
Alls eru nú 112 í einangrun og 646 í sóttkví. Einn einstaklingur dvelur á sjúkrahúsi og enginn á gjörgælu.
Átta smit greindust við landamæraskimun og er beðið eftir niðurstöðu mótefnamælinga frá þeim sýnum. 45 virk smit hafa greinst á landamærunum en 104 hafa greinst með mótefni og teljast ekki með virk smit.
Frá því að kórónuveiran kom til landsins í febrúar hafa 1.983 greinst með staðfest smit og 23.704 einstaklingar hafa lokið sóttkví.
