Atkvæðagreiðsla um kjarasamning Flugfreyjufélag Íslands og Samtaka atvinnulífsins vegna Icelandair hefst í dag og stendur til 8. júlí. Kosið verður í netkosningu.
Aðilar samningsins komust að samkomulagi aðfaranótt 25. júní eftir 49 fundi hjá ríkissáttasemjara sem tók við málinu í byrjun apríl 2019. Samningurinn er því afrakstur 15 mánaða samningaviðræðna hjá ríkissáttasemjara.
Kringumstæður þessa samningaviðræðna og atkvæðagreiðslu hljóta að teljast undarlegar, en í lok apríl voru 897 flugfreyjum sagt upp hjá Icelandair og voru eftir uppsagnir aðeins 41 flugfreyja starfandi hjá flugfélaginu. „Hitt“ flugfélagið í alþjóðafarþegaflugi, WOW air, varð gjaldþrota í mars 2019.
DV hefur eftir starfandi formanni Flugfreyjufélagsins, Guðlaugu Líney Jóhannsdóttur, að ekkert yrði gefið upp um efni samningsins fyrr en hann hefur verið kynntur félögum FFÍ, en kynningarfundur hefst nú kl 10:00. Guðlaug sagðist vonast til þess að samningurinn yrði samþykktur.