Í ágúst á síðasta ári komu um 252 þúsund erlendir ferðamenn hingað til lands. Skarphéðinn Steinarsson, ferðamálastjóri, segir að áætlað sé að í ágúst á þessu ári komi um 25% af þessum fjölda hingað til lands. Það þýðir að um 63 þúsund erlendir ferðamenn komi í ágúst.

Morgunblaðið skýrir frá þessu í dag. Haft er eftir Skarphéðni að fleiri erlendir ferðamenn hafi komið í skimun á Keflavíkurflugvelli en reiknað var með þegar fólk fór að ferðast á nýjan leik.

„Fjöldinn er þegar umfram það sem menn gerðu ráð fyrir í afkastagetu í skimun í þessum mánuði. Þeir sem eru með puttann á púlsinum í sölu- og markaðsmálum erlendis segja okkur að það sé klár ferðavilji hjá nokkrum þjóðum, sérstaklega, Dönum, Þjóðverjum og Norðmönnum. Og jafnvel líka Hollendingum.“

Er haft eftir Skarphéðni.

Tölur frá Isavia sýna að flugferðum fer fjölgandi til og frá landinu. Í gær voru samtals 16 og 40 komur og brottfarir en 15. júní voru þær 16. Völlurinn starfar þó aðeins á 4-5% afköstum því þar er hægt að taka við um 40 þúsund farþegum á dag að sögn Guðjóns Helgasonar upplýsingafulltrúa Isavia.