fbpx
Miðvikudagur 08.júlí 2020
Fréttir

Ögmundur spyr hvort þögnin sé sæmandi – „Mælst til þess að menn spritti sig! … áður en ránið hefst“

Máni Snær Þorláksson
Föstudaginn 20. mars 2020 21:55

Mynd: Eyþór Árnason

Ekki missa af Helstu tíðindum dagsins í pósthólfið þitt

Lesa nánar

„Ég hef að undanförnu fylgst með aðdáunarverðri baráttu nýstofnaðra Samtaka áhugafólks um spilafíkn.“

Svona hefst pistill sem Ögmundur Jónasson, fyrrverandi þingmaður og ráðherra, birti á Vísi fyrr í dag og útskýrir Ögmundur því næst samtökin. „Þetta eru samtök fólks sem haldið er spilafíkn, aðstandendur spilafíkla og annað áhugafólk um að kveða niður þá vá sem stafar af spilkössum, hvort sem er í sjoppum eða sérhönnuðum spílavítum. Þau síðastnefndu eru rekin af Háskóla Íslands undir heitum á borð við Háspenna eða Spennistöðin. Sjoppukassana reka Rauði kross Íslands, SÁÁ og Slysavarnarfélagið Landsbjörg,“ segir Ögmundur.

„Nú bregður svo við að Samtök áhugafólks um spilafíkn fá forseta ASÍ, formenn VR og Neytendasamtaka Íslands til að sameinast um að senda fyerrnefndum rekstraraðilum formlegt erindi þar sem skorað er á þá í ljósi COVID-19 að loka fyrir spilakassa tímabundið „og draga þar með úr smitleiðum á meðan hættuástand varir samkvæmt Embætti landlæknis“. Dómsmálaráðherra (sem eftirlitsaðili þessarar starfsemi) og menntamálaráðherra (sem Háskóli Íslands heyrir undir) var einnig send áskorunin.“

Ögmundur segir Menntamálaráðuneytið hafa svarað og bent á að málið heyri undir dómsmálaráðuneyttið. „Það ráðuneyti hefur hins vegar engu svarað,“ segir Ögmundur. „Áður höfðu Samtök áhugafólks um spilafíkn fengið birt í Morgunblaðinu opið bréf til dómsmálaráðherra með spurningum varðandi ábyrgð á rekstri spilakassa. Ráðherra hefur engu svarað og ekki hafa fjölmiðlar gengið eftir svörum.“

800 milljónir í tekjur

Ögmundur segir að þá hafi samtökin gripið til þess ráðs að senda alþjóða Rauða krossinum áskorun um að koma til hjálpar og nú er beðið eftir viðbrögðum. „Allt þetta hafa íslenskir fjölmiðlar verið upplýstir um en þess sér lítil sem engin merki í umfjöllun þeirra. Í öllum maraþonumræðuþáttunum er rækilega um þetta þagað,“ segir hann.

„Í fyrnefndu opnu bréfi til dómsmálaráðherra kom fram að hreinar tekjur til reksturs Háskóla Íslands af rekstri spilakassa er árlega 1,1 milljarður og hreinar tekjur Íslandsspila sf til eigenda sinna 800 milljónir sem skiptast miðað við eignarhlut. Rauði krossinn á Íslandi 510 milljónir, Slysavarnafélagið Landsbjörg 210 milljónir og Samtök áhugafólks um áfengis- og vímuefnavandann, SÁÁ, 76 milljónir.“

„Hvað með þögnina – er hún sæmandi?

„Til umboðsaðila renna árlega 845 milljónir og til erlendra aðila fyrir kaup og leigu á kössum 675 milljónir. Eru þarna ef til vill komnir hinir eiginlegu spilafíklar, þeir sem telja sig ekki geta lifað án spilavíta?“ spyr Ögmundur því næst.

Ögmundur segir frá því þegar hann kom inn á Alþingi fyrir aldamót. Þá ákvað hann að koma til varnar fólki sem haldið er spilafíkn. „Ég hélt að ég myndi eiga marga bandamenn í þingsal. Þeir voru vissulega til staðar en miklu færrri en ég ætlaði. Yfirleitt tæmdist þingsalurinn þegar umræðan hófst,“ segir hann.

„Enginn vildi styggja hinar elskuðu stofnanir sem nutu góðs af þessari starfsemi! Og áhugi fjölmiðla reyndist takmarkaður – með virðingarverðum undantekningum. Á því hefur orðið lítil breyting. Nú þykir mér hins vegar keyra um þverbak. Spilað er sem aldrei fyrr en frést hefur að í spilasölum sé mælst til þess að spilað sé á öðrum hverjum kassa og að menn spritti sig! … áður en ránið hefst. Er þetta framferði sæmandi? Og hvað með þögnina – er hún sæmandi? Spyr sá sem veit að svo er ekki!“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 17 klukkutímum

Byko verðlaunar starfsfólk sitt fyrir framgöngu þess í heimsfaraldrinum

Byko verðlaunar starfsfólk sitt fyrir framgöngu þess í heimsfaraldrinum
Fréttir
Fyrir 17 klukkutímum

Ákærður fyrir að nauðga fjórum konum sem hann veitti aðstoð vegna stoðkerfisvandamála

Ákærður fyrir að nauðga fjórum konum sem hann veitti aðstoð vegna stoðkerfisvandamála
Fréttir
Fyrir 3 dögum

Níu metra háum strumpi stolið frá tjaldsvæðinu í Þrastaskógi

Níu metra háum strumpi stolið frá tjaldsvæðinu í Þrastaskógi
Fréttir
Fyrir 3 dögum

Lögreglan lýsir eftir stolnum bíl

Lögreglan lýsir eftir stolnum bíl