Jafnréttisþing fer nú fram í Hörpunni undir yfirskriftinni Jafnrétti í breyttum heimi. Katrín Jakobsdóttir forsætisráðherra opnar þingið en í grófum dráttum má lýsa þinginu sem röð fyrirlestra.
Meðlimir Eflingar gerðu sér lítið fyrir og völsuðu inn á þingið með kröfuspjöld. Samninganefnd Reykjavíkurborgar hafnaði þriðja tilboði Eflingar í gær. Ótímabundið verkfall Eflingar heldur því áfram. Á Facebook segir verkalýðsfélagið:
„Kröfur Eflingar eru komnar á Jafnréttisþing. Forsætisráðherra flytur ávarp, en nú verður ekki litið framhjá fólkinu sem venjulega vinnur grundvallarstörf í kyrrþey. Við krefjumst réttlátra launa fyrir kvennastéttir! Stjórnmálamenn, standið við loforðin!“