Lögreglan á höfuðborgarsvæðinu hefur sent frá yfirlýsingu vegna frétta af viðskiptum lögreglumanns við ungan mann en maðurinn kjálkabrotnaði. Samkvæmt yfirlýsingu lögreglunnar lítur út fyrir að maðurinn hafi fengið þá áverka sem um getur í læknisvottorði sem hann fékk á læknavaktinni og fjallað hefur verið um í fréttum, áður en lögregla var kölluð á vettvang. Yfirlýsing lögreglunnar er eftirfarandi:
Vegna frétta í fjölmiðlum í dag um handtöku ungs manns og lýsingu á tilurð áverka á honum, m.a. brotnar tennur og hugsanlegt kjálkabrot, vill Lögreglan á höfuðborgarsvæðinu taka fram að eftir skoðun á myndefni frá vettvangi verður ekki annað ráðið en áverkir mannsins hafi verið tilkomnir áður en lögreglan var kölluð til og staðfestir myndefnið það.
Upphaf málsins var um hálffimmleytið í fyrrinótt, en þá var óskað eftir aðstoð lögreglu vegna hópslagsmála í Bankastræti í Reykjavík sem höfðu brotist þar út og var maðurinn og þrír aðrir handteknir á vettvangi.
Sjá einnig: Lögreglumaður sakaður um hrottalega árás í miðbænum í nótt