fbpx
Föstudagur 15.október 2021
Fréttir

Mikið tap á rekstri RÚV – Samdráttur fyrirsjáanlegur

Kristján Kristjánsson
Þriðjudaginn 10. nóvember 2020 07:55

Ekki missa af Helstu tíðindum dagsins í pósthólfið þitt

Lesa nánar

Áætlað tap RÚV á árinu er um 250 milljónir og er það allt rakið til áhrifa heimsfaraldurs kórónuveirunnar en hann hefur haft mikinn kostnaðarauka í för með sér og tekjutap. Þetta kemur fram í umsögn Stefáns Eiríkssonar, útvarpsstjóra, við fjárlagafrumvarp næsta árs en hann sendi fjárlaganefnd umsögn sína. Í henni kemur einnig fram að samdráttur í umsvifum RÚV sé fyrirsjáanlegur.

Morgunblaðið skýrir frá þessu í dag. Fram kemur að í umsögn Stefáns segir að auglýsingatekjur RÚV hafi dregist töluvert saman þegar heimsfaraldurinn skall á. Á þessu ári er tekjufallið talið verða um 300 milljónir.

RÚV hefur einnig orðið fyrir umtalsverðum beinum kostnaði vegna heimsfaraldursins, til dæmis vegna þess hlutverks sem RÚV gegnir samkvæmt landsáætlun vegna heimsfaraldurs inflúensu og lögum. Á þessu ári verður beinn aukinn kostnaður hátt í 80 milljónir.

Þessir þættir og fleiri valda því að rekstur RÚV verður 470 milljónum króna lakari á árinu en ráð var fyrir gert.

Í umsögn sinni segir Stefán að á næsta ári sé gert ráð fyrir að rúmlega 600 milljónir vanti í rekstur RÚV. Þessu verði ekki eingöngu hægt að mæta með hagræðingu og niðurskurði. Fyrirsjáanlegt sé að grípa þurfi til breytinga og samdráttar í dagskrárgerð og fréttaþjónustu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Myndband af hersýningu í Norður Kóreu vekur óhug á Twitter – Brjóta múrsteina með berum höndum á meðan Kim Jong Un fylgist með

Myndband af hersýningu í Norður Kóreu vekur óhug á Twitter – Brjóta múrsteina með berum höndum á meðan Kim Jong Un fylgist með
Fréttir
Í gær

Sigurbjörn greindist með fjórða stigs krabbamein – „Kannski verð ég dáinn áður en árið er liðið“

Sigurbjörn greindist með fjórða stigs krabbamein – „Kannski verð ég dáinn áður en árið er liðið“
Fréttir
Fyrir 2 dögum

Aðeins 8% vilja Bjarna Ben sem næsta forsætisráðherra – Þjóðin vill Kötu Jak

Aðeins 8% vilja Bjarna Ben sem næsta forsætisráðherra – Þjóðin vill Kötu Jak
Fréttir
Fyrir 2 dögum

Hallmundur bætist í eigendahóp Deloitte Legal

Hallmundur bætist í eigendahóp Deloitte Legal