fbpx
Fimmtudagur 03.júlí 2025
Fréttir

Seðlabankinn sigraði Samherja en tapaði fyrir Þorsteini Má – Milljónabætur dæmdar

Heimir Hannesson
Föstudaginn 30. október 2020 15:14

Þorsteinn Már í dómsal vegna málanna fyrr í haust. mynd/Anton Brink

Ekki missa af Helstu tíðindum dagsins í pósthólfið þitt

Lesa nánar

Tvö mál féllu í dag í Héraðsdómi Reykjavíkur sem snéru að áralangri deilu Samherja, Þorsteins Más Baldvinssonar, forstjóra Samherja og Seðlabankans. Í öðru þeirra var um að ræða rúmlega 300 milljóna bótakröfu Samherja gegn Seðlabankanum vegna húsleitar Seðlabankans í húsakynnum Samherja á Akureyri og í Reykjavík þann 27. mars 2012. Í hinu málinu krafðist Þorsteinn Már miskabóta vegna húsleitarinnar og kæru gegn sér sem Seðlabankinn lagði fram.

Var þar Þorsteinn Már persónulega kærður til sérstaks saksóknara, forvera Héraðssaksóknara fyrir brot gegn gjaldeyrislögum á tímum gjaldeyrishafta. Rannsókn Seðlabankans gegn Þorsteini var látin niður falla um tveim árum síðar án frekari aðgerða ákæruvaldsins. Stjórnendur Samherja hafa alla tíð haldið sakleysi sínu fram og gagnrýnt aðferðir og málsmeðferð Seðlabankans við húsleitina sjálfa og rannsóknina sem fylgdi í kjölfarið.

Seðlabankinn var sýknaður af kröfu Samherja, en dæmdur til þess að greiða Þorsteini Má tvær og háfa milljón króna í skaðabætur auk vaxta. Þorsteinn gerði fimm milljóna skaðabótakröfu og miskabótakröfu að upphæð einnar og hálfrar milljónar.

Aðalmeðferð í málunum fóru fram í Héraðsdómi Reykjavíkur í síðasta mánuði og var mikið um það fjallað í fjölmiðlum. Voru þar meðal viðstaddra Helgi Seljan, fréttamaður á RUV, sem Samherji stendur nú í stappi við ásamt fleiri fréttamönnum RUV.

Athygli vekur að persónulegar upplýsingar um Þorstein Má eru birtar í dómnum, en hefð er fyrir því að þurrka út upplýsingar um heimilisfang, til dæmis, úr dómum sem birtir eru á heimasíðu dómstólanna.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 15 klukkutímum

Eftirlýstur hælisleitandi úrskurðaður í gæsluvarðhald eftir að hafa forðast brottvísun í tæp 3 ár

Eftirlýstur hælisleitandi úrskurðaður í gæsluvarðhald eftir að hafa forðast brottvísun í tæp 3 ár
Fréttir
Fyrir 15 klukkutímum

Alvarleg staða á Landspítalanum – Ófaglærðir halda starfseminni gangandi þegar kemur að hjúkrun og umönnun

Alvarleg staða á Landspítalanum – Ófaglærðir halda starfseminni gangandi þegar kemur að hjúkrun og umönnun
Fréttir
Í gær

Sífellt fleiri kalla eftir því að 71. greininni verði beitt gegn málþófi stjórnarandstöðunnar

Sífellt fleiri kalla eftir því að 71. greininni verði beitt gegn málþófi stjórnarandstöðunnar
Fréttir
Í gær

Segir stjórnarandstöðuna leggja fæð á Ingu Sæland og hindra framfaramál með botnlausu málþófi

Segir stjórnarandstöðuna leggja fæð á Ingu Sæland og hindra framfaramál með botnlausu málþófi
Fréttir
Fyrir 2 dögum

Skemmdarverk á Seltjarnarnesi – Lögreglan leitar vitna

Skemmdarverk á Seltjarnarnesi – Lögreglan leitar vitna
Fréttir
Fyrir 2 dögum

Kemur fram á lokatónleikum Black Sabbath þrátt fyrir að hafa verið skotinn margsinnis – Árásarmennirnir gómaðir

Kemur fram á lokatónleikum Black Sabbath þrátt fyrir að hafa verið skotinn margsinnis – Árásarmennirnir gómaðir