Búið er að útskrifa af gjörgæslu þá sem lentu í umferðarslysinu á Skeiðarársandi á föstudag. Þetta kemur fram í tilkynningu frá Landspítalanum. Þar segir að börnin þrjú sem slösuðust mikið séu komin á barnadeild þar sem þau dvelja með föður sínum sem er útskrifaður. Móðirin liggur inni á bæklunardeild. Þá segir að allir einstaklingarnir séu komnir úr lífshættu.
Haður árekstur varð við Háöldukvísl á föstudag þegar jeppi og jepplingur lentu í árekstri. Báðar þyrlur Landhelgisgæslunnar voru kallaðar út vegna slyssins en alls voru sjö fluttir á slysadeild.