Tilkynnt var um líkamsárás í verslun í Kópavogi á þriðja tímanum í nótt. Þar réðust þrír menn á starfsmann verslunarinnar og höfðu á brott með sér vörur úr versluninni. Ekki kemur fram í hvaða verslun atvikið átti sér stað og þá er ekki heldur vitað um meiðsl starfsmannsins. Málið er í rannsókn.
Lögreglu var tilkynnt um umferðaróhapp í Árbæ á öðrum tímanum í nótt. Þar hafði bifreið verið ekið á þrjár bifreiðar áður en henni var ekið af vettvangi. Lögregla hafði hendur í hári ökumannsins, en þegar ökumaðurinn steig út úr bifreiðinni vildi ekki betur til en svo að hún rann á lögreglubifreiðina. Ökumaðurinn er grunaður um ölvun við akstur og var hann vistaður í fangageymslu lögreglu.
Þessu til viðbótar voru nokkrir ökumenn stöðvaðir vegna aksturs undir áfengis eða fíkniefna.
