fbpx
Fimmtudagur 22.október 2020
Fréttir

Þórólfur gagnrýnir fréttaflutning – Fólk fær ekki COVID-19 aftur

Ágúst Borgþór Sverrisson
Miðvikudaginn 12. ágúst 2020 14:20

Þórólfur Guðnason, sóttvarnalæknir.

Ekki missa af Helstu tíðindum dagsins í pósthólfið þitt

Lesa nánar

Þórólfur Guðnason gagnrýndi fréttaflutning gærdagsins tengdan COVID-19 á upplýsingafundi Almannavarna í dag. Staldraði hann sérstaklega við fregnir af konu sem hefur smitast af COVID-19 en mælist ekki með mótefni. Var staðhæft í fréttinni að konan gæti fengið COVID-19 aftur. Þórólfur gagnrýndi að þetta hefði ekki verið borið undir sérfræðinga og sagði hann að fólk smitaðist almennt ekki af sjúkdómnum aftur.

Þórólfur sagði að fréttaflutningur af faraldrinum hefði almennt verið góður og brýndi hann fjölmiðla til að vanda sig áfram því það kostaði mikla vinnu að leiðrétta rangar upplýsingar.

Fjögur innanlandssmit greindust í gær. Raðgreiningu veirunnar í þeim er ekki lokið og liggur ekki fyrir hvort þau eru úr sömu hópsýkingu og önnur smit sem greinst hafa undanfarið. Þórólfur sagði greinilegr að veiran hefði dreift sér víða og því mætti vænta þess að upp komi nokkur smit daglega á næstunni en einnig dagar inn á milli með engum smitum.

Íslensk erfðagreining hefur skimað 5.370 manns frá 29. júlí og hafa 10 smit greinst í þeim skimunum. ÍE hefur undanfarna daga skimað í Vestmannaeyjum en engin ný smit hafa komið fram þar.

Sýni úr 2.100 farþegum voru tekin á landamærum í gær en tæplega 4.000 komu til landsins. Engin virk smit greindust og enginn er í bið.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Margrét segir frá skattsvikurum sem borga fyrir vörur og þjónustu með milljónum króna í reiðufé

Margrét segir frá skattsvikurum sem borga fyrir vörur og þjónustu með milljónum króna í reiðufé
Fréttir
Í gær

Búast má við reglulegum eldgosum í 300 ár

Búast má við reglulegum eldgosum í 300 ár