Klukkan 00.57 í nótt mældist hraði bifreiðar, sem var ekið eftir Reykjanesbraut við Arnarnesveg, vera 194 km/klst. Leyfður hámarkshraði er 80 km/klst. Ökumaðurinn var færður á lögreglustöð og sviptur ökuréttindum til bráðabirgða.

Tveir ökumenn voru handteknir í nótt grunaðir um að vera undir áhrifum fíkniefna. Annar er einnig grunaður um að hafa verið ölvaður og hinn reyndist vera sviptur ökuréttindum.

Um klukkan tvö í nótt var gestur í samkvæmi í íbúð í Grafarvogi handtekinn en hann er grunaður um líkamsárás, að hafa ráðist á nágranna sem kvartaði yfir hávaða frá samkvæminu. Hinn handtekni var vistaður í fangageymslu.

Frá miðnætti til klukkan 5 sinnti Lögreglan á höfuðborgarsvæðinu 13 verkefnum tengdum hávaða og/eða samkvæmishaldi í heimahúsum. Á suma staði þurfti að fara oftar en einu sinni.