Sérsveitin hefur verið kölluð út vegna atviks sem kom upp í Vesturbænum nú fyrr í kvöld. Töluverður viðbúnaður er á svæðinu. .

Sjónarvottur sem tjáir sig um atvikið inn á íbúahóp Vesturbæjar segist hafa séð mann með haglabyssu ganga í skrokk á öðrum á Holtsgötu. Hringdi sjónarvottur á lögreglu um mennirnir sem komu að árásinni hlupu í allar áttir. Telur sjónarvottur að atvikið tengdist handrukkun.

Uppfært 20:33

Lögregla hefur sent frá sér eftirfarandi tilkynningu vegna málsins:

„Lögreglunni á höfuðborgarsvæðinu barst tilkynning í kvöld kl. 19 um tvo menn sem ógnuðu þeim þriðja með skotvopni í vesturbæ Reykjavíkur. Lögreglan fór þegar á staðinn, auk þess sem sérsveit ríkislögreglustjóra var kölluð á vettvang. Tveir karlar um þrítugt voru handteknir vegna málsins, en jafnframt var lagt hald á skotvopn. Rannsókn málsins er á frumstigi og ekki er hægt að veita frekari upplýsingar að svo stöddu. Engan sakaði.“