Olga María Þórhallsdóttir Long er náfrænka Söndru Lífar Long Þórarinsdóttur sem fannst látin í fjörunni á Álftanesi að morgni þriðjudagsins 14. apríl. Ekkert hafði heyrst né spurst til Söndru síðan seint á skírdag en bíll hennar fannst á Álftanesi.

Olga var í reglulegu sambandi við fjölmiðla er leitin að Söndru stóð yfir. Hún kveðjur núna frænku sína með fallegum orðum í nýrri færslu á Facebook. Þar segir:

Ég er ekki enþá að skilja að ég sé aldrei að fara hitta þig aftur og Rúnar Steinn fái aldrei að knúsa þig aftur. Þú varst jákvæðasta manneskja sem ég hef kynnst, mikil tilfiningavera og vildir alltaf vera að knúsa og kyssa mann. Þú varst alltaf tilbúin að aðstoða og varst ekki lengi að koma ef ég þurfti á þér að halda. Ég man þegar þú komst að sjá Rúnar Stein i fyrsta skipti þú gast ekki hætt að gráta og endurtóksr “Olga, þú ert bara í alvöru orðin mamma!” Þegar við vorum litlar dönsuðum við í öllum veislum og varst þú alltaf sú sem samdir alla dansa enda mjög hæfileikarík bæði í söng og dansi. Ég mun sjá til þess að minning þín lifir að eilifu. Hlakka til að knúsa þig þegar minn tími kemur og veit ég að þú vakir yfir okkur.

Sandra Líf elsku rauðhausinn minn ég elska þig að eilífu❤️

DV ítrekar innilegar samúðarkveðjur til aðstandenda Söndru Lífar. Meðfylgjandi myndir sýna frænkurnar á góðum stundum. Sandra Líf er til vinstri á báðum myndunum og Olga til hægri.