Leitin að Söndru Líf Þórarinsdóttur Long hefur verið frestað til morguns, en leit stóð yfir til klukkan 17:30 í dag. Samkvæmt tilkynningu frá lögreglu mun skipulag leitarinnar á morgun vera með sama hætti og í dag, auk þess sem drónar verða nýttir ef veður leyfir.
Þyrla Landhelgisgæslunnar leitaði í dag á strandlengjunni frá Seltjarnarnesi suður fyrir Álftanes og voru fjörur vaktaðar á háfjöru, sem var rúmlega fjögur í dag, bæði úr landi og frá sjó ,en það gerðu björgunarsveitarmenn frá Slysavarnarfélaginu Landsbjörg.
