Bandaríska raunveruleikastjarnan Camille Meyer þakkar sínum fyrrverandi, leikaranum Kelsey Grammer, fyrir allan peninginn sem hún fékk í skilnaðinum sem hann fékk fyrir geysivinsælu Frasier þættina.

Camille var um tíma ein af húsfreyjunum í The Real Housewives of Beverly Hills. Hún var síðan „vinkona húsfreyjanna“ í seinni þáttaröðum. Hún var stödd á BravoCon um helgina og þakkaði sínum fyrrverandi fyrir.

„Takk Kelsey Grammer, fyrir allan Frasier peninginn. Ég er að lifa mínu besta lífi,“ sagði hún. Frasier voru í loftinu frá 1993 til 2004.

Camille á tvær dætur með leikaranum, Mason, 23 ára, og Jude, 20 ára.

„Krökkunum gengur vel. Ég meina, Mason var að eignast fallegan bíl, Jude er að ferðast um Evrópu. Þetta er dásamlegt.“

Camille og Kelsey skildu árið 2011 eftir þrettán ára hjónaband.