Sést hefur til manns sem berar kynfæri sín með ógeðfelldum hætti við undirgöngin undir Hafnarfjarðarveg, rétt hjá skyndibitastaðnum Aktu Taktu. Kona ein, íbúi í Garðabæ, greinir frá þessu í Facebook-hópi íbúa. Segist hún hafa gengið fram á manninn kl. 15:30 í dag. Systir konunnar hefur jafnframt séð til mannsins tvisvar í hverfinu síðdegsi og er hann ávallt með kynfærin úti.
Búið er að láta lögreglu vita af manninum og er málið í rannsókn. Lögreglan biður fólk um að láta vita ef fólk verður vart aftur við manninn.
Maðurinn er sagður meðalhár, klæddur í grá eða blá vinnuföt og talinn nokkuð dökkur á brún og brá.