Hildur Lilliendahl Viggósdóttir, verkefnisstjóri hjá Reykjavíkurborg, hjólar í Ingólf Þórarinsson, betur þekktur sem Ingó Veðurguð, á Twitter. Hún sparar ekki stóru orðin og segir hann reyna við unglinga.
Síðastliðinn laugardag skrifaði Hildur tíst þar sem hún gagnrýndi sérstaklega texta Ingó við lag hans Gestalistinn 2. „Gaman að þessi hálfviti skuli hafa tekið sér pásu frá því að reyna við unglinga til að reyna að niðurlægja konu á grundvelli líkamsgerðar. Slow fkn clap,“ skrifaði Hildur þá.
Gaman að þessi hálfviti skuli hafa tekið sér pásu frá því að reyna við unglinga til að reyna að niðurlægja konu á grundvelli líkamsgerðar. Slow fkn clap pic.twitter.com/fRnJU2TAsG
— Hildur ♀ (@hillldur) July 20, 2019
Hún vísar sérstaklega til eftirfarandi hluta í texta lagsins: „Svo kemur líkamsvirðingar-Tara. Og hún fær sér hamborgara“. Hún nefnir þó ekki að sjálf er hún á „gestalistanum“. Í texta lagsins segir: „Hildur Lilliendahl er á lista. Því við elskum femínista“.
Í athugasemdum við færslu Hildar er hún spurð hvað sé eiginlega að textanum um Töru. Því svarar Hildur: „Tara borðar stundum hamborgara en hún á fyrst og fremst skilið kredit fyrir að gera líf Íslendinga betra og fórna sjálfri sér (einkalífi, geðheilsu, frama og fjölskyldulífi) fyrir málstað sem hún trúir á og ætti að geta bætt lífsgæði okkar allra.“
Í dag skrifar Hildur nýtt tíst þar sem kvartar undan því að þremur sólarhringum eftir fyrri skrif sín sé hún enn að fá tilkynningar. „Nú eru liðnir næstum þrír sólarhringar síðan ég kallaði poppstjörnu á fertugsaldri hálfvita fyrir að níðast á feitri konu og reyna við unglinga. Enn eru að rúlla inn tilkynningar frá strákum um að ég sé að væla og allir séu búnir að fá nóg af mér. Lífið, krakkar. Farið varlega,“ skrifar Hildur.
Nú eru liðnir næstum þrír sólarhringar síðan ég kallaði poppstjörnu á fertugsaldri hálfvita fyrir að níðast á feitri konu og reyna við unglinga. Enn eru að rúlla inn tilkynningar frá strákum um að ég sé að væla og allir séu búnir að fá nóg af mér. Lífið, krakkar. Farið varlega.
— Hildur ♀ (@hillldur) July 23, 2019