Fjöldi fólks gagnrýnir harðlega stöðufærslu sveitarfélagins Grímsnes- og Grafningshrepps en þar hótar sveitarstjóri, Ingibjörg Harðardóttir, að aflífa tvo hunda í óskilum. Samkvæmt stöðufærslunni verða hundarnir tveir drepnir á mánudaginn.
„Þessir hundar á myndinni eru í vörslu sveitarfélagsins. Eigandi/eigendur hundanna eru vinsamlegast beðnir að hafa samband við Kristján hundafangara í síma 863-7149. Verði ekki haft samband og hundanna ekki vitjað eigi síðar en 15. júlí 2019 verða þeir aflífaðir skv. Samþykkt um hundahald í Grímsnes- og Grafningshreppi nr. 60/2012,“ segir í stöðufærslunni.
Líkt og áður segir hefur þessi færsla vakið hörð viðbrögð frá því hún var sett á Facebook fyrir um klukkutíma. „Hvaða djöfuls rugl er þetta ? Aflífaðir ?! Hvaða ógeðslegu aðilar samþykktu þessa reglu ? Segi eins og fyrri aðili er ekki hægt að hafa samband við Dýrahjálp Íslands,“ skrifar einn karlmaður.
Annar tekur undir: „Hverskonar djöfulsins aumingjar eruð þið? Drullist þið bara til þess að finna eigendurna eða fara með þá til einhvers sem hjálpar!“
Kona nokkur bendir á að þetta sé ekki lengur venjan víðast hvar. „Í dag eru hundar almennt ekki aflífaðir ef ekki næst í eigendur. Önnur sveitarfélög leita annarra leiða til að koma hundunum fyrir og hefur það gengið vandræðalaust fyrir sig. Í 3. gr. samþykktar ykkar stendur: „Hættulega, leyfislausa hunda og þá hunda sem ganga lausir á almannafæri skal handsama og færa í geymslu. Heimilt er að láta aflífa hættulega hunda þegar í stað sbr. 8. gr. reglugerðar nr. 1077/2004.“ Þessi reglugerð ( 1077/2014 ) er fallin úr gildi og ný reglugerð nr. 80/2016 er komin í staðinn. Í þeirri reglugerð var þetta ákvæði fellt á brott,“ skrifar konan.
Önnur kona segir þetta mjög ósmekklegt. „Mikið er þetta eitthvað ósmekkleg tilkynning!! Hvernig væri að hafa samband við Dýrahjálpina ef eigendur láta ekki heyra í sér,“ segir sú.
https://www.facebook.com/grimsnesoggrafningshreppur/photos/a.10150272638334009/10157688971599009/?type=3&__xts__%5B0%5D=68.ARDNZIaTTzo3QwuTWT5nqB5E5h3v4ASoclP8rsLZqNPqitXgZoFB0lhJ69KL9pfPO7e-ErWyQFDAlsRrymF1-YBT_7FseEYH80S3DFMEqwy3jQlnpK3N-5uUXUngd72-pzwG8hCeFgwaq1t-_CYDwzvxCdFK_Wtu8BTwjXjGMDy8uQFOR_m8flXI5QxAxQbK8so0DT8lTC74ApvQ4fvPNEwsoxJG-ewfkx_sVh9YqOqhL6pjMOxqnglNCynILhY51GMCySNCs0mIp9gOxYkg_Bepaj-_Qi8Kp-UCEIOfp-am8kpuN6V_PysbhMDo8Bkcyk89whE5_-LFTodHAjjo&__tn__=-R