Tilkynnt var um vinnuslys í Grafarvogi rétt fyrir klukkan 18 í gærkvöldi. Í dagbók lögreglu kemur fram að ungur maður hafi verið að keyra sópara þegar þungir kassar úr hillurekka féllu á hann.
Maðurinn var fluttur með sjúkrabíl á slysadeild, að sögn lögreglu, en var þó talinn óbrotinn. Hann kenndi sér þó meins víða.
Á sjötta tímanum í gærkvöldi stöðvaði lögregla bifreið við Hringbraut í Reykjavík. Bifreiðin, pallbifreið með kerru, var með röng skráningarnúmer og auk þess ótryggð. Skráningarnúmerin voru fjarlægð af bílnum og verða þau send Samgöngustofu. Ökumanni var tilkynnt að skýrsla yrði rituð um málið.