fbpx
Föstudagur 20.september 2019  |

DV - Frjáls og óháður miðill

Fréttir

Reyndi að bíta lögreglumann í fótinn

Erla Dóra Magnúsdóttir
Sunnudaginn 26. maí 2019 08:59

Ekki missa af Helstu tíðindum dagsins í pósthólfið þitt

Lesa nánar

Lögreglan á Höfuðborgarsvæðinu hafði í nægu að snúast í nótt og nokkuð margir enduðu nótt sína í fangageymslu.  Voru flest útköllun vegna aðila sem voru undir áhrifum áfengis eða fíkniefna.

Afskipti voru höfð af ofurölva manni í miðbænum. Gat maðurinn ekki sagt á sér deili og var skilríkjalaus. Hann fékk því að sofa úr sér í fangageymslu. Í Vesturbænum var ungur maður í annarlegu ástandi handtekinn fyrir að vera með ónæði. Þegar hann var handtekinn brást hann ókvæða við og reyndi að bíta lögreglumann í fótinn. Ekki breytti það stöðu hans til betra og fékk hann að dúsa í fangageymslunni líka.

Lögregla var kölluð út í Garðabæ vegna ágreinings sambúðarfólks. Þegar lögreglu bar að garði réðst konan á lögreglumann og sló hann. Hún fékk því einnig að eyða nóttinni í fangageymslu.

 Frá Kópavogi barst tilkynning um erlendan mann sem hafði komið sér fyrir í kjallara íbúðarhúss. Var hann handtekinn, grunaður um húsbrot og fleira.

Lögregla þurfti einnig að hafa afskipti af ökumönnum sem grunaðir eru um akstur undir áhrifum. Í miðbænum stöðvaði lögregla mann á fjórða tímanum í nótt sem aldrei hafði fengið ökuréttindi og á Hafnarfjarðarvegi var maður handtekinn rétt fyrir níu í gærkvöldi með falsað ökuskírteini. Á daginn kom að hann hafði heldur aldrei öðlast ökuréttindi.

Tveir voru stöðvaðir í Breiðholti grunaðir um ölvun við akstur. Annar þeirra reyndist einnig vera á fjórum nagladekkjum og má ökumaður búast við sekt vegna þessa.

Tilkynnt var um tvö umferðaróhöpp þar sem ökumenn eru grunaðir um akstur undir áhrifum. Annað óhappið varð í Mosfellsbæ á ótryggðum bíl en svo fór bíll út af við Suðurlandsveg.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 3 dögum

Flugmaður fluttur á bráðadeild eftir slys við Skálafell

Flugmaður fluttur á bráðadeild eftir slys við Skálafell
Fréttir
Fyrir 3 dögum

Pervertinn í háskólanum var ungur Íslendingur: „Hann faldi sig þarna út um allt“

Pervertinn í háskólanum var ungur Íslendingur: „Hann faldi sig þarna út um allt“
Fréttir
Fyrir 3 dögum

Þrír íslenskir piltar ákærðir í stóru fíkniefnamáli: Brynjar, Dagur og Halldór sakaðir um smygl á 16 kílóum

Þrír íslenskir piltar ákærðir í stóru fíkniefnamáli: Brynjar, Dagur og Halldór sakaðir um smygl á 16 kílóum
Fréttir
Fyrir 3 dögum

Vilhjálmur hoppandi illur út í Landsbankann: „Greiða 483 þúsund meira í vaxtakostnað á ári“

Vilhjálmur hoppandi illur út í Landsbankann: „Greiða 483 þúsund meira í vaxtakostnað á ári“