Hin ástsæla leikkona Edda Björgvinsdóttir segist hafa margreynt að láta fræðsluyfirvöld vita af Margréti Muller og Séra Georg sem bæði misnotuðu ótal börn í Landakotsskóla á síðustu öld. Edda greinir frá þessu í athugasemd við færslu Krumma Björgvinssonar þar sem hann fór yfir það ofbeldi sem hann varð fyrir í Landakotsskóla á árum áður.

Sjá einnig: Krummi lýsir ofbeldi Hjartar sem hvarf af yfirborði jarðar: „Ég hefði hugsanlega barið hann til óbóta“

„Elsku hjartans Krummi frændi hvað þetta hefur verið ömurlegt og hræðileg lífsreynsla. Ég marg reyndi að klaga í fræðsluyfirvöld þegar Róbert var þarna og þessi vonda kerling níddist á öllum börnunum í bekknum hans,“ lýsir Edda.

Sjá einnig: Syndir kirkjunnar: Séra Georg og Margrét misnotuðu börn í áratugi

Hún segir enn fremur að hún hafi neyðst til að taka son sinn úr skólanum. „Það endaði með því að ég tók Róbert úr skólanum á miðjum vetri og ég vorkenni ennþá öllum þeim börnum sem hún hélt áfram að pína. Ég hef aldrei fyrr kynnst fólki sem mér finnst vera hreinlega illgjarnt eins og þessi tvö sem blóðug slóðin liggur eftir,“ skrifar Edda.