fbpx
Þriðjudagur 29.september 2020
Fréttir

Sigmundur Davíð bæði skúrkur og hetja

Lilja Katrín Gunnarsdóttir
Þriðjudaginn 10. desember 2019 13:15

Ekki missa af Helstu tíðindum dagsins í pósthólfið þitt

Lesa nánar

Val DV á manni og skúrki ársins er í fullum gangi en fyrir stuttu kallaði ritstjórn DV eftir tilnefningum frá lesendum í báða flokka. Það stóð ekki á viðbrögðunum og telja tilnefningarnar nokkur þúsund.

Nú hefur ritstjórn DV tekið saman þá einstaklinga sem fengu flestar tilnefningar í hvorum flokki fyrir sig og kennir þar ýmissa grasa. Alþingismaðurinn Sigmundur Davíð Gunnlaugsson er til dæmis á báðum listum og því umdeild persóna í þjóðlífinu. Stjórnmálamenn nánast eiga lista yfir tilnefningar til skúrk ársins á meðan listinn yfir tilnefningar til manns ársins er ívið fjölbreyttari. Þá litar Samherjamálið báða lista.

Hægt er að kjósa á milli átta einstaklinga í hvorum flokki fyrir sig á vef DV. Kosning hefst í dag, föstudaginn 6. nóvember, og stendur yfir í viku. Þá verður farið yfir atkvæðin og í ljós kemur hverjir hljóta þessar nafnbætur.

Tilnefningar árið 2019

Maður ársins:

Bjartmar Leósson, stofnandi hópsins Hjóladót.

„Keyrir um bæinn og finnur stolin hjól, heldur út fb síðunni hjól, tapað fundið stolið, er búinn að finna mörg hjól fyrir fólk, eitthvað sem maður hefði haldið að lögreglan ætti að vera að vinna í.“

„Bjartmar hefur bjargað hjólasamfélaginu á Íslandi.“

Erna Ýr Öldudóttir, blaðakona.

„Hún stendur með hinu sjálfsagða (frelsinu til tjáningar) í ríki sem er að drukkna í sinni eigin vinstri mennsku, gagnrýnin hugsun virðist fordæmd og hötuð hérna.“

„Stóð sig eins og hetja í herfilegum Kastljósþætti, þar sem henni og Magnúsi var kastað í ljónagryfju heimsku og sjálfsþótta.“

Guðni Th. Jóhannesson, forseti Íslands.

„Það þarf ekki að rökstyðja.“

„Frábær maður og góður forseti.“

Helgi Seljan, fréttamaður.

„Fyrir að þora að koma upp um Samherja og aðra elítu – ætli sonur Máa hringi ekki í hann og hóti honum eins og fv. Seðlabankastjóra.“

„Fyrir vandaða umfjöllun sem leiddi til afhjúpunar meinsemdar í viðskiptaháttum.“

Helgi Seljan

Jóhannes Stefánsson, uppljóstrari.

„Maður sem er koma með sannleikann upp á yfirborðið. Mörg önnur spillingarmál koma upp í kjölfarið.“

„Það þarf geysimikinn kjark til að vaða gegn svona miklu veldi sem Samherji er og stjórnendur þess. Orð Jóhannesar um að hann muni eiga erfitt með að fá vinnu eftir þetta eru rétt.“

Ragnar Þór Ingólfsson, formaður VR.

„Heiðarlegur verkalýðsforingi.“

Sigmundur Davíð Gunnlaugsson, formaður Miðflokksins.

„Hann er eini stjórnmálamaðurinn sem hugsar um íslenska framleiðslu.“

„Stendur allt af sér. Pólitískur afreksmaður.“

Hildur Guðnadóttir, tónskáld.

„Hefur náð einum besta árangri Íslendinga á erlendri grundu og er vel að titlinum komin.“

Skúrkur ársins

Þorsteinn Már Baldvinsson, forstjóri Samherja (tímabundið í leyfi)

„Fyrir að arðræna eina fátækustu þjóð veraldar eftir að hafa rænt Íslendinga og sölsað undir sig 1/7 fiskveiðikvóta með svikum og prettum, … það var ekki nóg að Samherli fengi u.þ.b 2.000 tonna þorskígildiskvóta frítt, svokallaðan skipstjórakvóta, heldur þá fyrst byrjaði ballið með Sjálfstæðisflokkinn sem tryggingu á bak við sig, ráherra og þingmenn.“

Þorsteinn Már Baldvinsson.

Bjarni Benediktsson, fjármálaráðherra.

„Fyrir að vera innvinklaður í öll helstu spillingarmál Íslands til margra ára.“

„Fyrir illa meðferð á öldruðum og öryrkjum.“

Mynd: DV/Hanna

Skúli Helgason, borgarfulltrúi Samfylkingarinnar.

„Hann svíkur íbúa og börnin með lokun skóla.“

Kristján Þór Júlíusson, landbúnaðar- og sjávarútvegsráðherra.

„Vanhæfni til að sjá eða vilja sjá spillingu.“
„Fyrir að sitja sem fastast í stól þegar hann í raun og veru ætti að segja af sér.“

Katrín Jakobsdóttir, forsætisráðherra.

„Fyrir það að standa ekki við gefin loforð.“

„Hún reyndist ekki vera traustsins verð.“

Katrín Jakobsdóttir Mynd: DV/Hanna

Dagur B. Eggertsson, borgarstjóri.

„Honum er alveg sama um íbúa borgarinnar fyrir ofan Ártúnsbrekku.“

„Fyrir að helluleggja torgið fyrir framan húsið sitt fyrir hundruð milljóna – og komast upp með það. Fyrir að loka eina grunnskólanum í Korpuhverfi.“

Dagur B. Eggertsson, borgarstjóri

Sigmundur Davíð Gunnlaugsson, formaður Miðflokksins.

„Skúrkur og lygari af guðs náð, samanber Klaustursmálið.“

„Mesti loddari, lýðskrumari, tækifærissinni stjórnmálanna frá upphafi. Skrópaði 80% af þingtíma. Hann skammast sín ekki fyrir Klaustursmálið, heldur kennir eins og ævinlega öðrum um ófarir sínar. Óheiðarleiki (Wintris o.fl.) og siðblinda af hæstu gráðu. Minnir helst á Donald Trump. Hættulegur samfélaginu.“

Sigmundur Davíð Gunnlaugsson.

Andri Þór Guðmundsson, forstjóri Ölgerðarinnar.

„Svívirðileg framkoma við vinnandi fólk – og það rétt fyrir jól. Hann ætti að skammast sín!“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Ekki ástæða til að herða aðgerðir – „Toppnum náð núna eða á næstu dögum“

Ekki ástæða til að herða aðgerðir – „Toppnum náð núna eða á næstu dögum“
Fréttir
Í gær

39 ný smit í gær – Ekki fleiri í einangrun síðan 16. apríl

39 ný smit í gær – Ekki fleiri í einangrun síðan 16. apríl
Fréttir
Fyrir 3 dögum

Bílslys á Vesturlandsvegi

Bílslys á Vesturlandsvegi
Fréttir
Fyrir 3 dögum

Hakkar í sig pistil Önnu Karenar – „Erfitt að gera upp á milli hvort er verra, málfarið eða efnið“

Hakkar í sig pistil Önnu Karenar – „Erfitt að gera upp á milli hvort er verra, málfarið eða efnið“
Fréttir
Fyrir 4 dögum

Landsréttur sýknar dagmömmu af líkamsárás gegn 20 mánaða barni – Sagði það hafa dottið úr stól

Landsréttur sýknar dagmömmu af líkamsárás gegn 20 mánaða barni – Sagði það hafa dottið úr stól
Fréttir
Fyrir 4 dögum

Milljónabætur vegna „stórfellds gáleysis“ á Landspítalanum – Vaknaði aldrei aftur eftir aðgerð

Milljónabætur vegna „stórfellds gáleysis“ á Landspítalanum – Vaknaði aldrei aftur eftir aðgerð