fbpx
Fimmtudagur 23.maí 2019

DV - Frjáls og óháður miðill

Fréttir

Hörmulegar aðstæður aldraðra – Vannærðir, einmana, daprir og lágar tekjur

Kristján Kristjánsson
Fimmtudaginn 3. janúar 2019 08:02

Mynd úr safni.

Ekki missa af Helstu tíðindum dagsins í pósthólfið þitt

Lesa nánar

Það einkennir þá sjúklinga sem útskrifast af öldrunardeild Landspítalans og búa heima að þeir glíma við vannæringu, einmanaleika, depurð og lágar tekjur. „Þetta er alveg svakalegt. Það var um það bil kíló á viku sem fólk var að missa að meðaltali hjá þessum hóp sem ég skoðaði, sumir aðeins minna og sumir aðeins meira.“ Segir Berglind Soffía Blöndal, doktorsnemi í næringarfræði við matvæla- og næringarfræðideild Háskóla Íslands, um næringarástand aldraðra eftir útskrift af öldrunardeild en hún rannsakaði aðstæður þessa hóps aldraðra.

Fréttablaðið skýrir frá þessu í dag. Fram kemur að Berglind hafi fylgt 13 manns í nokkrar vikur eftir að þeir útskrifuðust af öldrunardeild.

„Við sjáum þetta líka í öllum rannsóknum erlendis, fólk kemur kannski vannært inn á spítalann en dvölin þar er svo stutt að það gefst ekki tími til næra það almennilega upp og svo fer fólkið heim og heldur áfram að versna.“

Er haft eftir Berglindi í Fréttablaðinu. Hún segir vandann vera fjölþættan en skortur á hjúkrunarrýmum og þrýstingur úr öllum áttum á Landspítalann að útskrifa fólk eins fljótt og hægt er valdi því að ekki sé hægt að leysa þennan vanda. Hún segir að fólkið fái nóg að borða á meðan það dvelur á spítalanum og vel sé hugsað um næringu fólks en spítaladvölin sé svo stutt að hún dugi ekki til að vinna upp vannæringu.

Kynslóðin sem kvartar ekki

Hún mun kynna niðurstöður rannsóknarinnar á Líf- og heilbrigðisvísindaráðstefnunni sem fer fram í Háskóla Íslands í dag og á morgun. Niðurstöðurnar sýna ekki aðeins að þátttakendurnir í rannsókninni glíma við ótryggt fæðuöryggi og slæmt næringarástand því þeir glíma einnig við þunglynid, depurð og einmanaleika. Allir þátttakendurnir voru með minna en 200.000 krónur í ráðstöfunartekjur á mánuði. Þeir voru á aldrinum 77 til 93 ára og voru mældir við útskrift af öldrunardeild og síðan heimsóttir tvisvar eftir útskrift með viku millibili.

Berglind segir þátttakendurna almennt hafa borið sig vel og sagst hafa nóg að gera en annað hafi komið í ljós þegar þeir svöruðu spurningalista um þunglyndi og einmanaleika.

„Það er líka algengt að þau eigi engan að sem þau geta treyst fyrir öllu, svona trúnaðarvin sem er eflaust líka mjög erfitt og gerir mann einmana, ef maður er að bera hluti einn sem maður hefur engan til að ræða um við.“

Segir Berglind en leggur áherslu á að flestir þátttakendanna hafi átt ágætt bakland og aðstandendur þeirra séu yfirleitt allir af vilja gerðir til að hjálpa en samfélagslegar breytingar valdi þessari einangrun gamla fólksins og það vilji ekki láta hafa fyrir sér.

„Mín upplifun er sú að aðstandendur séu mjög viljugir en fólkið sjálft segir bara: Nei, nei, það er allt í góðu hjá mér, ég á nóg til, engar áhyggjur.“

Er haft eftir Berglindi í Fréttablaðinu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 17 klukkutímum

Forstjóri Sýnar botnar ekkert í RÚV: „Kostulegt og kannski efni í áramótaskaup ef út í það er hugsað“

Forstjóri Sýnar botnar ekkert í RÚV: „Kostulegt og kannski efni í áramótaskaup ef út í það er hugsað“
Fréttir
Fyrir 19 klukkutímum

Laus úr fangelsi eftir að hafa bitið tunguna úr eiginmanni sínum í Reykjavík

Laus úr fangelsi eftir að hafa bitið tunguna úr eiginmanni sínum í Reykjavík
Fréttir
Fyrir 23 klukkutímum

Tveir hafa kvartað vegna Sigríðar: Telja hana vanhæfa til að sitja í nefnd um ráðningu nýs seðlabankastjóra

Tveir hafa kvartað vegna Sigríðar: Telja hana vanhæfa til að sitja í nefnd um ráðningu nýs seðlabankastjóra
Fréttir
Fyrir 23 klukkutímum

Hótaði að berja starfsfólk verslunarinnar ef hann fengi ekki nammipokann aftur

Hótaði að berja starfsfólk verslunarinnar ef hann fengi ekki nammipokann aftur