Um 100 slökkviliðsmenn berjast nú við eld í  sex hæða fjölbýlishúsi í London og alls 15 vatnsdælur eru í notkun. Eldurinn hefur náð upp á allar hæðir hússins en verið er að koma íbúunum út úr húsinu. Engar fréttir hafa borist um meiðsl á fólki vegna brunans.

Sky greinir frá

Uppfært kl. 16:15: Eldsvoðinn átti sér stað í hverfinu Barking í London. Húsið, sem er sex hæða, skíðlogar. Íbúðir hafa verið rýmdar og fólk aðstoðað við að yfirgefa húsið. Sjúkraflutningafólk er í viðbragðsstöðu en lögregla ítrekar að engar fregnir hafi borist af meiðslum á fólki. Lögregluþjónar eru sagðir vera að aðstoða slökkviliðsmenn.

Uppfært kl. 16:25

Slökkviliðið í London birti þessa mynd á Twitter og ljóst af henni að eitthvað gengur að slökkva eldinn því húsið virtist alelda fyrir skömmu.

Uppfært kl. 17:00: Eldsupptök eru ókunn