Um hálffjögurleytið í nótt stöðvaði lögreglan bíl í hverfi 110 í Reykjavík. Ökumaðurinn var 17 ára og reyndist vera án ökuréttinda. Hann er grunaður um akstur undir áhrifum fíkniefna og ítrekaðan akstur án réttinda. Haft var samband við móðir drengsins og málið tilkynnt til Barnaverndar.
Þetta kemur fram í dagbók lögreglunnar, sem og þetta:
Á ellefta tímanum í gærkvöld kom upp mál varðandi fíkniefnaræktun í hverfi 108 í Reykjavík. Par er grunað um framleiðslu fíkniefna og þjófnað. Þau voru vistuð fyrir rannsókn málsins í fangageymslu lögreglu.
Klukkan hálffögur í nótt óskaði leigubílstjóri eftir aðstoð lögreglu í hverfi 108 vegna ofurölvi konu sem var farþegi í bílnum. Ekki tókst að fá upplýsingar frá konunni um hver hún væri eða hvar hún ætti heima. Konan var því vistuð í fangageymslu lögreglu þar til ástand hennar batnar.