Áhrifavaldurinn Sólrún Diego auglýsti á mánudaginn síðastliðinn mynd sem hékk á vegg í svefnherbergi sonar hennar. Í upptökunni greinir Sólrún ekki frá því að um gjöf eða samstarf sé að ræða en bendir hún á netverslunina www.akart.is.

Við nánari athugun DV kom í ljós að netverslunin er í eigu félags unnusta Sólrúnar og að hún sjálf hefur prókúrurétt og situr í stjórn félagsins. Myndirnar eru fengnar frá Etsy.com í gegnum söluaðilann Synplus sem segir myndirnar ekki seldar með þeirra leyfi enda séu þær höfundarréttarvarðar.

Sjá einnig: Sólrún Diego auglýsir vörur unnusta síns: Ágreiningur um leyfi – „Mér finnst að svona eigi ekki að viðgangast“

DV hafði samband við Frans, unnusta Sólrúnar sem sagði fyrirtækið ekki koma henni við á neinn hátt. Þá sagðist hann ekki hafa vitað af því að Sólrún hefði auglýst það. Þá hefur vefsíðan verið tekin niður eftir samtal blaðamanns við Frans en DV hefur þó skjáskot af henni.

Hér fyrir neðan má svo sjá myndband af auglýsingu Sólrúnar síðan á mánudaginn:

Sólrún Diego – Þvottabjörn from DV Sjónvarp on Vimeo.