fbpx
Fimmtudagur 19.maí 2022
Fréttir

Efling fordæmir Menn í vinnu: „Við erum annars vegar að díla við glæpamenn“

Ágúst Borgþór Sverrisson
Föstudaginn 8. febrúar 2019 15:29

Grátandi Rúmeninn.

Ekki missa af Helstu tíðindum dagsins í pósthólfið þitt

Lesa nánar

Stéttarfélagið Efling vill að brot á kjarasamningum og að hýsa starfsfólk í óboðlegum vistarverum verði gert refsivert. Félagið hefur nú brugðist við fréttum af málefnum rúmenskra verkamanna hjá starfsmannaleigunni Menn í vinnu með fréttatilkynningu. Þar segir meðal annars:

„Efling hefur lengi beitt sér gegn margítrekuðum brot á kjarasamningum, sem framin eru í skjóli óljósra samninga, útleigu á starfsfólki og skorts á sektarheimildum. Kröfugerð Eflingar, sem samin var af almennum félagsmönnum í haust, benti á mörg úrræði og hafa þau verið rædd við Samtök atvinnulífsins í yfirstandandi kjaraviðræðum. Í kröfugerð er þess meðal annars krafist að heimilt sé að innheima sektir vegna alvarlegra brota á kjarasamningi.“

Efling segir að félagi eigi í höggi við glæpamenn og atvinnurekendur með ónýtan siðferðisáttavita í baráttu sinni fyrir því að farið sé að lögum í samskiptum við erlent verkafólk. Félagið vill hert ákvæði í kjarasamningum sem taka á þessu. Fréttatilkynning Eflingar um málið er í heild eftirfarandi:

 

Vegna frétta um Menn í vinnu

  • Til að tryggja velferð og öryggi verkafólks á Íslandi þarf að gera brot á kjarasamningum og óboðlegar vistarverur refsiverðar

Í fréttum í gær var sagt frá ömurlegum aðstæðum fólks hjá starfsmannaleigunni Menn í vinnu. Tugir starfsmanna frá Rúmeníu hírast í herbergjum, allt að tíu saman, en borga þó fimmtíu þúsund krónur á mánuði fyrir. Í ráðningarsamningi frá fyrirtækinu sem Efling-stéttarfélag hefur undir höndum er klausa sem segir að undirritaður skuldi leigu sem Menn í vinnu megi draga frá launum, án þess að upphæð eða nokkurs konar leiguvernd sé tiltekin.

Efling hefur lengi beitt sér gegn margítrekuðum brot á kjarasamningum, sem framin eru í skjóli óljósra samninga, útleigu á starfsfólki og skorts á sektarheimildum. Kröfugerð Eflingar, sem samin var af almennum félagsmönnum í haust, benti á mörg úrræði og hafa þau verið rædd við Samtök atvinnulífsins í yfirstandandi kjaraviðræðum. Í kröfugerð er þess meðal annars krafist að heimilt sé að innheima sektir vegna alvarlegra brota á kjarasamningi.

„Fólk spyr sig hvers vegna þetta gerist aftur og aftur hjá sömu fyrirtækjunum,“ segir Viðar Þorsteinsson, framkvæmdastjóri Eflingar. „Ástæðan er að það eru engin viðurlög. Við tjáðum Samtökum atvinnulífsins að við viljum heimila sektir við brotum á kjarasamningi í viðræðum í síðustu viku, og fengum dræmar undirtektir þar. Sjómenn hafa slíkt ákvæði í sínum samningi við SFS. Hvers vegna vilja Samtök atvinnulífsins ekki að refsað sé fyrir brot á þeirra eigin kjarasamningi? Það væri hægt að semja um að setja þetta ákvæði inn í dag.“

Annað atriði sem Efling hefur farið fram á er styrking leiguverndar ef húsaleiga er hluti af ráðningarkjörum. „Á samningafundum í síðustu viku vorum við að hamra á þessu óeðlilega sambandi ráðningarsambands og húsnæðis við Samtök atvinnulífsins,“ segir Viðar. „Þetta er notað til að kúga fé út úr fólki og sem hótun um að fleygja því á götuna ef það sækir rétt sinn til stéttarfélagsins. Þessi fyrirtæki eru ekki alltaf meðlimir í SA, en SA hefur vald til að smíða kjarasamning sem gildir fyrir alla. SA hafa ekki brugðist við kröfu okkar síðan í október og á meðan halda fyrirtækin áfram að féfletta launafólk, dag eftir dag.“

„Við erum annars vegar að díla við glæpamenn,“ segir Sólveig Anna Jónsdóttir, formaður Eflingar. „Hver er ástæðan fyrir að atvinnurekendur með ónýtan siðferðisáttavita hafa þennan hóp í sigtinu? Það er því þau eru jaðarhópur í samfélaginu. Þau sjá hóp af fólki þarna sem þau upplifa ekki sem mennskan. En við höfum hér líka kerfisbundið vandamál. Í óheftu kapítalísku samfélagi dregst það versta fram í fólki. Okkar róttæka nálgun í verkalýðsmálum byggist á því að leita svara við því. Arðránið sjálft er vandamálið. Gróðinn er hafinn á efsta stall og starfsfólkið sem við erum að tala um hér er kramið undir.“

Viðar segir Eflingu hafa sett þrýsting á fyrirtækin. „Þessi fyrirtæki fara út í svona ótrúlega ósvífni meðal annars vegna þess Efling hefur staðið sig ágætlega í að sækja mál á hendur þeim. Efling knúði stóra starfsmannaleigu í gjaldþrot með metfjölda launakrafna – áttatíu launakröfur – í maí á síðasta ári. Núna koma sömu aðilar til baka eins og stökkbreyttur vírus undir nýjum kennitölum. Núna gera þau þetta nánast rétt á pappírnum, gefa kannski út réttan launaseðil, en hafa fundið nýjar leiðir til að féfletta fólkið framhjá lögum og reglum.“

Starfsmenn kjaramálasviðs Eflingar hafa fundað með verkamönnunum sem um ræðir og eru í óða önn að safna frá þeim upplýsingum til að geta gert launakröfur. Einnig hafa starfsmenn fylgt ASÍ á vettvang og fylgst með velferð og ástandi verkamannanna.

Spjótin standa á Samtökum atvinnulífsins enda ljóst að með hertum ákvæðum kjarasamnings mætti koma í veg fyrir misnoktun af því tagi sem starfsmannaleigur stunda. Til að tryggja velferð og öryggi verkafólks á Íslandi þarf að gera brot á kjarasamningum og óboðlegar vistarverur refsiverðar. Við getum sett það í kjarasamninginn í dag.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 11 klukkutímum

Rússar ætla að endurlífga gamla sovéska bílategund – „Rusl frá upphafi til enda“

Rússar ætla að endurlífga gamla sovéska bílategund – „Rusl frá upphafi til enda“
Fréttir
Fyrir 11 klukkutímum

Mikil verðhækkun á íslenskum fiski – Breskir fisksalar áhyggjufullir

Mikil verðhækkun á íslenskum fiski – Breskir fisksalar áhyggjufullir
Fréttir
Fyrir 12 klukkutímum

Munu Rússar taka dauðarefsingar upp á nýjan leik? Mikill þrýstingur eftir uppgjöf hermannanna í Maríupól

Munu Rússar taka dauðarefsingar upp á nýjan leik? Mikill þrýstingur eftir uppgjöf hermannanna í Maríupól
Fréttir
Fyrir 12 klukkutímum
Beraði sig í Laugardal
Fréttir
Fyrir 13 klukkutímum

Rússar misnotuðu skúr Karls í áróðursstríði sínu – „Mér finnst þetta undarlegt“

Rússar misnotuðu skúr Karls í áróðursstríði sínu – „Mér finnst þetta undarlegt“
Fréttir
Fyrir 14 klukkutímum

Úkraína og NATÓ trúa á sigur í stríðinu – En hvað flokkast sem sigur?

Úkraína og NATÓ trúa á sigur í stríðinu – En hvað flokkast sem sigur?
Fréttir
Í gær

Maður hringdi í Lovísu og sagðist hafa drepið köttinn hennar – „Hvað er að fólki?“

Maður hringdi í Lovísu og sagðist hafa drepið köttinn hennar – „Hvað er að fólki?“
Fréttir
Í gær

Foreldrar í Granaskjóli sakaðir um aðskilnaðarstefnu – Bara sum börn fá að leika sér á trampólíninu

Foreldrar í Granaskjóli sakaðir um aðskilnaðarstefnu – Bara sum börn fá að leika sér á trampólíninu
Fréttir
Í gær

Lítil samkeppni bankanna sögð bitna á korthöfum

Lítil samkeppni bankanna sögð bitna á korthöfum
Fréttir
Í gær

Telur að NATÓ-aðild Finna og Svía geti leitt til grundvallarbreytinga í Rússlandi

Telur að NATÓ-aðild Finna og Svía geti leitt til grundvallarbreytinga í Rússlandi