Náttúruverndarsamtök Íslands telja að hvalveiðar Hvals hf í sumar hafi ekki verið í samræmi við lög um dýravelferð. Þetta byggja þau á ljósmyndum af langreyðum, sem komið var með í hvalstöðina, sem sýna sumar að skjóta hafi þurft dýrin oftar en einu sinni til að drepa þau.

Fréttablaðið skýrir frá þessu. Náttúruverndarsamtökin telja að veiðarnar hafi því ekki verið í samræmi við lög um dýravelferð og telja mikilvægt að Matvælastofnun hlutist til um rannsókn á veiðunum.

Náttúruverndarsamtökin telja eftirlit Matvælastofnunar með hvalveiðum ekki vera upp á marga fiska að sögn Árna Finnssonar formanns þeirra.