fbpx
Þriðjudagur 21.maí 2019

DV - Frjáls og óháður miðill

Fréttir

Fjölskyldufaðir tók rangan strætó í Kringluna með hrikalegum afleiðingum

Bjartmar Oddur Þeyr Alexandersson
Föstudaginn 5. október 2018 15:00

Vinnumálastofnun Fjölskyldufaðir missti tveggja mánaða bótarétt vegna strætisvagnsferðar.

Ekki missa af Helstu tíðindum dagsins í pósthólfið þitt

Lesa nánar

Fjölskyldufaðir í Reykjavík sem er á atvinnuleysisbótum var sviptur þeim í tvo mánuði á þeim forsendum að hann hefði misst af kynningarfundi hjá Vinnumálastofnun. Þetta er mikið áfall fyrir hann og fjölskyldu hans þar sem þetta eru einu tekjurnar hans.

„Ég þori ekki einu sinni að segja konunni minni þetta. Þetta er bara eitthvað svo kjánalegt að ég hreinlega trúi ekki að þetta geti gerst,“ segir maðurinn. Forsaga málsins er sú að maðurinn skráði sig á atvinnuleysisbætur og fékk boð um að mæta á sérstakan kynningarfund hjá Vinnumálastofnun. Þar sem fjárhagur hans var ekki sterkur eftir að hann missti vinnuna sína þurfti hann að taka strætisvagn því ekki voru til fjármunir fyrir bensíni á bíl hans. Þegar kom að því að taka vagninn þá gerði hann þau mistök að taka rangan vagn. „Ég áttaði mig á þessu allt of seint, en um leið og ég gerði það þá hringdi ég strax niður í Vinnumálastofnun til að láta vita af þessu.“

Skýringar mannsins skiptu augljóslega engu máli fyrir Vinnumálastofnun því hún ákvað vegna þess að hann missti af þessum eina fundi að taka af honum rétt til atvinnuleysisbóta í tvo mánuði, en það þýðir um rúmar 320 þúsund krónur í tekjumissi fyrir hann.

Maðurinn, sem vill ekki koma undir nafni, sagði í samtali við DV að hann skildi ekki þessa gífurlegu hörku sem stofnunin beitti hann vegna fjarveru hans á einum fundi. „Það vildi enginn tala við mig í síma og útskýra fyrir mér af hverju þau gerðu þetta nákvæmlega, sögðu mér aðeins að senda þeim tölvupóst.“

Honum finnst afar ómanneskjulegt hvernig er farið að í þessu ferli. „Ég skil ekki þessi viðbrögð. Ég hafði allan tímann ætlað mér að taka þátt í öllum þeim úrræðum sem Vinnumálastofnun ætlaði að bjóða upp á, ég er ekki að reyna svindla á neinum hérna.“

Í samtali við DV sagði Unnur Sverrisdóttir, aðstoðarforstjóri Vinnumálastofnunar, að lögin einfaldlega væru þannig að Vinnumálastofnun yrði að gera þetta. Samkvæmt 58. grein laga um atvinnuleysistryggingar kemur fram að hafni einstaklingur þátttöku í vinnumarkaðsaðgerðum Vinnumálastofnunar skuli hann ekki eiga rétt á atvinnuleysisbótum í tvo mánuði. Túlkar Vinnumálastofnun þessa lagagrein svo að mæti fólk ekki á kynningarfund hjá stofnuninni sé það að hafna þátttöku í vinnumarkaðsaðgerðum. Í þessu tilfelli ákvað Vinnumálastofnun að svipta einstaklinginn bótum í tvo mánuði og hefur hann því engar tekjur þann tíma fyrir sig og fjölskyldu sína. Engar formlegar reglur eru til hjá Vinnumálastofnun um hvaða ástæður séu teknar gildar. Blaðamaður spurði Unni hvort það væri geðþóttaákvörðun Vinnumálastofnunar hvaða ástæða sé tekin gild fyrir að missa af kynningarfundi og ekki missa bætur á sama tíma. „Nákvæmlega, það er það sem við gerum alla daga. Það eru bara mjög mismunandi útskýringar og oft eru þær teknar gildar.“ Ekki á neinum stað á heimasíðu Vinnumálastofnunar er tekið fram hvað telst vera löggild ástæða fyrir því að missa af fundi, svo fólk getur ekki vitað hvort það missi bótarétt sinn í tvo mánuði ef það missir af einum kynningarfundi.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Douglas Murray til Íslands – Bók og fyrirlestur – Segir evrópska menningu í hættu

Douglas Murray til Íslands – Bók og fyrirlestur – Segir evrópska menningu í hættu
Fréttir
Í gær

Líf borgarfulltrúi týndi páfagauk – „Ég er að farast úr samviskubiti“

Líf borgarfulltrúi týndi páfagauk – „Ég er að farast úr samviskubiti“
Fréttir
Fyrir 2 dögum

Uppátæki Hatara kom Gísla Marteini ekki á óvart – Óttaðist verri uppákomur

Uppátæki Hatara kom Gísla Marteini ekki á óvart – Óttaðist verri uppákomur
Fréttir
Fyrir 2 dögum

Lilja Katrín nýr ritstjóri DV

Lilja Katrín nýr ritstjóri DV
Fréttir
Fyrir 2 dögum

Undirskriftasöfnun gegn Hatara hafin – „Við samþykkjum ekki gyðingaandúð í okkar landi“

Undirskriftasöfnun gegn Hatara hafin – „Við samþykkjum ekki gyðingaandúð í okkar landi“
Fréttir
Fyrir 2 dögum

Matthías segist telja að Hatari hafi brotið reglurnar

Matthías segist telja að Hatari hafi brotið reglurnar
Fréttir
Fyrir 2 dögum

Hatara ógnað vegna Palestínufánans – Sjáðu myndbandið: „Ég er mjög hrædd núna“

Hatara ógnað vegna Palestínufánans – Sjáðu myndbandið: „Ég er mjög hrædd núna“