Miklir skógareldar eru nú í Kaliforníu í Bandaríkjum og hafa þeir valdið dauðsföllum ásamt því að hafa valdið gífurlegu fjárhagslegu tjóni. Íbúar Kaliforníu eru ekki óvanir skógareldum og árlega verður gífurlegt tjón vegna þeirra í ríkinu. Árið 2017 létust 44 einstaklingar og var fjárhagslegt tjón metið á um 10 milljarða dollara eða sem samsvarar 110 milljörðum króna.

Yfirvöld alls staðar í ríkinu eru að bregðast við þessum eldum, meðal annars í bænum Vacaville, rétt fyrir utan San Fransisco. Yfir 60 hundum og köttum var bjargað úr húsnæði dýraathvarfs í bænum af lögreglu og sjálfboðaliðum. Í samtali við DV segir Mark Donaldson, lautinant hjá lögreglunni í Vacaville að litlu munaði að dýrin hefði öll látist. „Það var mikill reykur inn í húsnæðinu og eldurinn var að nálgast bygginguna hratt, en þökk sé hröðum viðbrögðum lögreglumanna á staðnum og sjálfboðaliða náðum við að bjarga öllum 60 dýrunum úr húsnæðinu. Þetta var ansi tæpt, en sem betur fer meiddust engin dýr við aðgerðina en bílarnir þurftu aðeins vera þrifnir eftir aðgerðina vegna hræðslu dýranna“.

Miklar skemmdir voru á húsnæðinu, en sjálfboðaliðar hafa tekist að laga húsnæðið snöggt þökk sé miklum stuðningi frá íbúum bæjarins sem hafa bæði gefið fjármuni til samtakanna sem reka dýraathvarfið ásamt því að aðstoða við viðgerðir á húsnæðinu.

Hér að neðan má sjá myndband úr myndavél eins lögreglumannsins sem tók þátt í björgunaraðgerðunum.