Katrín Tanja Davíðsdóttir tryggði sér þriðja sætið á heimsleikunum í CrossFit sem lauk í Wisconsin í Bandaríkjunum í gær.
Annie Mist Þórisdóttir og Björgvin Karl Guðmundsson uppskáru bæði fimmta sætið á leikunum. Oddrún Eik Gylfadóttir endaði í 26. sæti, en þetta eru hennar fyrstu heimsleikar. Líkt og kom fram á DV í gær neyddist Ragnheiður Sara Sigmundsdóttir til að draga sig úr keppni vegna meiðsla.
Tia-Clair Toomey sigraði í kvennaflokki og Mathew Fraser sigraði í karlaflokki.
