Eins og alþjóð veit hefur Rúrik Gíslason sópað til sín ótrúlegum fjölda nýrra fylgjenda á Instagram eftir leikinn gegn Argentínu á laugardag. Fylgjendafjöldi Rúriks er kominn yfir hálfa milljón og mikið verið rætt og ritað um útlit Rúrkis.
Í kvöld ákvað grínistinn Þorsteinn Guðmundsson að taka upp hanskann fyrir Rúrik. Það er aldrei langt í grínið hjá Þorsteini en með tístinu vill hann minna á að Rúrik sé manneskja.
„Við Rúrik erum ekki kjötflykki, við erum manneskjur,“ skrifaði Þorsteinn meðal annars á Twitter en færsluna má sjá hér að neðan.
Sem kyntákn til margra ára segi ég: Við Rúrik erum ekki kjötflykki, við erum manneskjur.
— Þorsteinn Guðmunds (@ThorsteinnGud) June 19, 2018