Finnbogi Þórisson var árið 2015 dæmdur í tveggja ára fangelsi fyrir kynferðisbrot gegn 14 ára stúlku og sérstaklega hættulega líkamsárás. Árið 2011 var hann svo dæmdur fyrir vörslu barnakláms.
Samkvæmt ákæru borgaði Finnbogi 14 ára stúlkunni níu þúsund krónur fyrir að þukla og sleikja brjóst hennar. Finnbogi réðst svo á mann með hníf, stunguskóflu og garðhrífu sem varð þess valdandi að maðurinn hlaut höfuðkúpubrot og nefbrot, svo nokkuð sé nefnt.
En nú er Finnbogi laus og vantar húsnæði. Það auglýsir hann innan hópsins Húsnæði til leigu: „Hann sagði að ég hefði til mánaðamóta til að koma mér út eða borga fullt gjald sem er 206.000 kr. fyrir 1 mánuð, hver getur hjálpað mér að finna annað herbergi eða íbúð fyrir 100.000 kr á mánuði, á suðurnesjunum? öll aðstoð vel þegin, ég er reglusamur, snyrtilegur og borga alltaf á réttum tíma,“ segir hann og biður fólk um að hafa samband í gegnum skilaboð eða með því að hringja.
Ein kona spyr hann hvort hann sé reglusamur. Einn karlmaður bendir á að hann hafi tekið það sérstaklega fram í auglýsingunni. Þá blandar Andrés nokkur sér í umræðuna og varpar ljósi á fortíð Finnboga: „Kynferðisbrot gegn 14 ára stelpu og gróf líkamsárás tel ég ekki reglusamt,“ segir hann og er óhætt að segja að hann fái talsverð viðbrögð við færslunni.
Ein kona deilir frétt af dómi Finnboga og þá segir Anna nokkur: „Ætli þetta sé ekki ástæðan fyrir að honum var sagt að koma sér út.“ Við þetta bætir önnur kona: „Ekki myndi ég vilja hafa þig sem nágranna.“