Ákæra gegn karlmanni fyrir að misnota fimmtán ára gamlar stjúpdætur sínar var þingfest fyrir héraðsdómi í dag. Í ákærunni segir að maðurinn hafi að minnsta kosti fimm sinnum áreitt aðra stúlkuna kynferðislega, með því að káfa á henni, bæði innan klæða og utan. Hann hafi káfað á maga þeirra og rassi og utanklæða á brjóstum. Mbl.is greinir frá.
Hann er ákærður fyrir að hafa kysst háls stúlkunnar og sett tær hennar í munn sér.
Hann er sakaður um svipaða háttsemi gagnvart hinni stúlkunni en að auki er hann grunaður um að hafa káfað á brjóstum hennar innanklæða í rúmi sem hann og móðir stúlknanna gistu í.
Refsing við þeim brotum sem maðurinn er ákærður fyrir að hafa framið nemur allt að fjórum árum í fangelsi.
