Eignarhlutur fjölmargra fyrirtækja enda í faðmi ríkisins vegna stöðuleikaframlagsins
Ríkið er orðið stærsti hluthafi Sjóvár að því er fram kom í fréttum RÚV í dag, en þar segir að hluturinn hafi komist í hendur ríkisins í gegnum stöðugleikaframlag slitabúa föllnu bankanna. Þetta er í annað skiptið sem félagið lendir í faðmi ríkisins, en ríkið tok yfir Sjóvá árið 2009 þegar félagið var við það að fara á hausinn.
Þá á ríkið einnig hluti í Reitum, Eimskipi, Auði Capital og Nýja norðurturninum ehf., en fjármálaráðuneytið neitar að upplýsa um kröfur sem ríkið hefur eignast á einstaklinga og 38 önnur félög.
Þá eignaðist ríkið einnig hlut í Dohop, sem Frosti Sigurjónsson, þingmaður Framsóknarflokksins og formaður efnahags- og viðskiptanefndar, á hlut í.