Þáttastjórnandinn og grínistinn Ellen DeGeneres hefur undanfarið sætt harðri gagnrýni og hefur verið sökuð um rasisma, einelti og að stuðla að neikvæðu vinnuumhverfi bak við tjöld vinsælla spjallþátta hennar sem sýndir í bandarísku sjónvarpi.
Undanfarið hafa þó margar þekktar stjörnur tekið til varna fyrir Ellen og lýst yfir stuðningi við hana. Þeirra á meðal grínistinn Kevin Hart og tónlistarkonan Kate Perry. Nú hefur bróðir hennar, Vance DeGeneres, stigið fram systur sinni til varnar. Hann ritaði um málið á Facebook þar sem hann segir þær ásakanir sem hafa verið bornar upp á systur hans ekki eiga sér stoð í raunveruleikanum.
„Ok, ég verð að koma nokkru á framfæri. Systir mín er fórnarlamb viðurstyggilegra persónuárása. Og ég leyfi mér að fullyrða – að þetta er allt kjaftæði. Ég birti einfalda yfirlýsingu í gær þar sem ég sagði „Ég stend með Ellen.“ Aðeins nokkrir svokallaðra Facebook „vina“ minna brugðust við yfirlýsingunni. Ef þú styður ekki Ellen, þá styður þú ekki mig, svo vinsamlegast afvinið mig á þessum miðli. Ég er dauðleiður á því að sjá systur mína verða fyrir þessum árásum. Hún hefur og mun alltaf beita sér gegn einelti í öllum birtingarmyndum. Hún er vel gefin og sterk kona sem hefur staðið fyrir jákvæðum breytingum í heiminum. Og til allra minna vina sem hafa lýst yfir stuðningi við Ellen og fjölskyldu okkar, þakka ykkur. Það skiptir mig miklu máli.“
