Love Island stjarnan Dani Dyer á von á sínu fyrsta barni ásamt kærasta sínum Sammy Kimmence. Dani stóð uppi sem sigurvegari í raunveruleikaþættinum Love Island árið 2018. Dani greinir frá þunguninni á Instagram síðu sinni. Hún birti meðal annars sónar mynd og skrifaði við hana að hún og Sammy séu mjög spennt að hefja þennan nýja kafla í þeirra lífi og að þau séu heppin og þakklát. Von er á barninu í byrjun næsta árs.
Fjölda hamingjuóska rignir yfir parið meðal annars frá öðrum Love Island stjörnum.