Hin 21 árs Teagan Kaye býr í Ástralíu. Hún vann sem þjónustustúlka á skyndibitastað og þénaði um 17 þúsund krónur á viku. Í dag þénar Teagan um 187 þúsund krónur á dag. The Sun greinir frá.
Teagan uppgötvaði áskriftarsíðuna Only Fans fyrir um 6 mánuðum. Hún segir að þetta sé það besta sem hún hafi gert fyrir sjálfa sig.
Vinkona hennar stakk upp á að hún myndi skrá sig á síðuna og sagði Teagan við tímaritið Mamamia: „Ég var ekki viss með þetta í fyrstu, en ákvað gefa þessu sjéns.“
Teagan rukkar 1500 krónur á mánuði fyrir aðgang að myndum af sér. Áskrifendur geta svo borgað meira og fá þá auka efni. Hún segir að margir áskrifendur hennar séu konur, módel og ljósmyndarar í leit að innblæstri.
Teagan segir OnlyFans vera stað þar sem hún geti deilt af sér listrænum nektarmyndum án ótta við að þeim verði eytt eins og á Instagram.
„Ég nota mína síðu mikið til að sýna á bakvið tjöldin frá myndatökum, er mikið að taka undirfata myndir og myndbönd afþví þegar ég er að taka að mér módel verkefni“.
Teagan heldur því fram að það sé allur skalinn af fólki á OnlyFans. Allt frá einkaþjálfurum og upp í þá sem spila tölvuleiki og rukka aðra fyrir að horfa á. Kokkar séu líka þarna inn á að deila uppskriftum og áhrifavaldar sem sýni frá ferðalögum.
Teagan er mjög sátt við nýja starfið sitt og græðir á tá og fingri.
https://www.instagram.com/p/CCDm8RFh980/