fbpx
Þriðjudagur 22.september 2020

Stjörnuspá vikunnar: Þessi vika verður ein, stór flugeldasýning

Ritstjórn Bleikt
Sunnudaginn 29. mars 2020 20:30

Ekki missa af Helstu tíðindum dagsins í pósthólfið þitt

Lesa nánar

Stjörnuspá vikunnar

Gildir 29. mars – 4. apríl

stjornuspa

Hrútur
21. mars–19. apríl

Þú ert þekkt/ur fyrir að fá fullt af hugmyndum og sumar eru ansi brjálaðar. Núna hefurðu meiri tíma til að hugsa, eins og flestir, og allt í einu poppar upp í kollinn gömul hugmynd sem þér fannst alltof brjáluð hér einu sinni. Núna eru hins vegar breyttir tímar og hugsanlega er þessi hugmynd ekki það fráleit eftir allt saman. Þá er bara að hrinda henni í framkvæmd!

stjornuspa

Naut
20. apríl–20. maí

Þú átt það til að þvinga fólk til að vera sammála þér eða til að fá þínu framgengt. Þú átt það til að æða áfram, líkt og þú værir stjórnlaus, sem þú ert samt í raun ekki. Í þessari viku hittir þú hins vegar fólk sem lætur ekki bjóða sér slíkt og þarft þú því að taka á honum stóra þínum og sannfæra það með traustri röksemdafærslu og samkennd.

stjornuspa

Tvíburar
21. maí–21. júní

Þó að þú þurfir að halda þig í fjarlægð frá manneskju sem er þér kær þýðir það ekki að þú getir ekki tjáð tilfinningar þínar eða umhyggju. Nú er akkúrat tíminn til að finna nýjar leiðir til að gleðja og viðhalda ástarloganum, til dæmis með fallegum orðsendingum eða heimsendum pakka. Myndsímtöl eru líka til margs gagnleg, þá sérstaklega í svefnherberginu.

stjornuspa

Krabbi
22. júní–22. júlí

Þú átt mjög erfitt með að viðurkenna þegar þú hefur rangt fyrir þér og átt oft erfitt með að víkja. En sá vægir sem vitið hefur meira og stundum er gott að játa vanmátt sinn. Það er hins vegar ýmislegt að angra þig þessa dagana og afbrýðisemi blossar upp í nánu sambandi. Afbrýðisemi er aldrei af hinu góða og þú skalt passa þig vel á þeim vegi sem þú fetar nú.

stjornuspa

Ljón
23. júlí–22. ágúst

Þín yndislega sál vill alltaf sjá það besta í öllum, elsku ljón. Nú er hins vegar tími til að vera á varðbergi. Það er einhver úlfur í sauðargæru nálægt þér og það reynist þér erfitt verk að bera kennsl á þann svikahrapp. Ekki saka neinn um neitt fyrr en þú ert 100 prósent viss í þinni sök. Láttu frekar lítið fyrir þér fara og safnaðu upplýsingum sem styðja mál þitt.

stjornuspa

Meyja
23. ágúst–22 .sept

Einhleypar meyjur hafa sjaldan eða aldrei fundið fyrir jafnmiklum neistum og fiðrildum í maganum og nýta þessa viku til að segja einhverjum sérstökum hvernig þeim líður. Lofaðar meyjur þurfa engar áhyggjur að hafa því um miðja vikuna fyllast þær af sjálfstrausti og metnaði til að gera vel við makann á alla mögulega og ómögulega vegu. Þessi vika verður ein, stór flugeldasýning.

stjornuspa

Vog
23. sept–22. okt

Þú hefur verið að sópa einhverjum litlum verkefnum undir mottu en nú er komi tími til að viðra mottuna rækilega og takast á við þessi verkefni, sem eru alls ekki eins flókin og þú hélst í byrjun. Síðan þarftu að gera upp viss mál við ákveðinn aðila og skalt passa þig á að vera ekki of fljót/ur til árekstra og rifrildis. Reyndu að takast á við þetta á yfirvegaðan hátt.

stjornuspa

Sporðdreki
23. okt–21. nóv

Einhver sem stendur þér nærri heldur að sér stóru leyndarmáli, en það er sama hvað þú reynir að draga það upp úr þessum aðila – það tekst ekki. Því skaltu einbeita þér að öðru og leyfa þessari manneskju að ákveða sjálf hvenær og hvernig hún nálgast þig og léttir af sér leyndarmálinu. Það er nefnilega stórt og þú þarft að hafa þig alla/n við að sýna skilning.

stjornuspa

Bogmaður
22. nóv–21. des

Vegna aðstæðna í þjóðfélaginu hefur þú dregið saman seglin og ekki eytt jafnmiklu og þú gerir vanalega. Þú ert nefnilega soddan eyðslukló en núna horfir þú á peninga á allt annan hátt. Þú eyðir í nauðsynjar – ekki munað. Þetta er góður tími fyrir þig til að endurskipuleggja fjármálin og athuga hvort þú getir jafnvel lagt aðeins fyrir, áður en harðindin banka upp á.

stjornuspa

Steingeit
22. des–19. janúar

Það er mikill kraftur sem býr innra með þér en undanfarið hefur þú þurft að eyða aðeins of miklum kröftum í ákveðna manneskju sem hefur sogað úr þér mikla orku. Í þessari viku ákveður þú að einbeita þér að því að endurstilla þig og fá alla þessa orku til baka með því að gera það sem þér finnst skemmtilegt, ganga um í guðsgrænni náttúrunni og lesa góðar bækur.

stjornuspa

Vatnsberi
20. janúar–18. febrúar

Þú þarft að pústa, elsku vatnsberi. Hringdu í góðan vin eða annan sem þolir að hlusta tímunum saman á allt sem er að angra þig. Þú ert á barmi einhvers konar áfalls og það virkar ekki lengur að gera eitthvað til að fá útrás fyrir gremjuna. Nú þarftu að finna nýjar leiðir og jafnvel leita þér faglegrar aðstoðar við þínum kvillum.

stjornuspa

Fiskar
19. febrúar–20. mars

Það er aldrei gaman að efast um fólk en þú þarft samt að hugsa þig tvisvar um áður en þú treystir manneskju sem er tiltölulega nýkomin inn í líf þitt. Þú ert móttækilegri nú en áður fyrir gylliboðum en þú þarft að gæta þess að hafa báðar fætur á jörðinni og vega og meta hvert einasta tækifæri sem verður á vegi þínum.

Afmælisbörn vikunnar

29. mars – Ívar Guðmundsson útvarpsmaður, 54 ára
30. mars – Auður Jónsdóttir rithöfundur, 47 ára
31. mars – Steinþór Helgi Arnsteinsson umboðsmaður, 36 ára
1. apríl – Sigríður Björg Tómasdóttir almannatengill, 49 ára
1. apríl – Gunnar Reynir Valþórsson fjölmiðlamaður, 45 ára
4. apríl – Jakob Bjarnar Grétarsson fjölmiðlamaður, 58 ára
4. apríl – Gyrðir Elíasson rithöfundur, 59 ára

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Fréttir
Fyrir 3 klukkutímum

Fiskikóngurinn ósáttur við framkomu starfsmanna sinna: „Látum sumt starfsfólk traðka á okkur“

Fiskikóngurinn ósáttur við framkomu starfsmanna sinna: „Látum sumt starfsfólk traðka á okkur“
Sport
Fyrir 4 klukkutímum

Liverpool í reglulegu sambandi við Mbappe

Liverpool í reglulegu sambandi við Mbappe
Fréttir
Fyrir 7 klukkutímum

Steinunn Ólína hvetur til borgaralegar óhlýðni – Varar fólk við því að gerast leynilöggur

Steinunn Ólína hvetur til borgaralegar óhlýðni – Varar fólk við því að gerast leynilöggur
Fókus
Fyrir 7 klukkutímum

Tíu skipti þar sem Ellen DeGeneres fór yfir strikið.

Tíu skipti þar sem Ellen DeGeneres fór yfir strikið.
Eyjan
Fyrir 9 klukkutímum

Álfrún spyr hvort það sé kominn tími til að ræða gereyðingarvopn

Álfrún spyr hvort það sé kominn tími til að ræða gereyðingarvopn
433Sport
Fyrir 9 klukkutímum

Suarez sakaður um svindl og gæti fengið þunga refsingu

Suarez sakaður um svindl og gæti fengið þunga refsingu
Fréttir
Fyrir 9 klukkutímum

38 ný smit í gær

38 ný smit í gær
433Sport
Fyrir 10 klukkutímum

Þessir eru líklegastir til að missa starfið sitt

Þessir eru líklegastir til að missa starfið sitt

Tarot Spil

Veldu þér spil og sjáðu spádóm þinn.