YouTube-stjarnan Liezl Jayne Strydom var mjög veik í fyrra og þyngdist um 4,5 kíló. „Ég passaði ekki í nein föt og mér fannst ég mjög óheilbrigð. Ég var þunglynd því ég var svo veik og kvíðinn var búinn að taka öll völd. Mér fannst eins og ég væri í mjög slæmu formi, líkamlega og andlega.“
Hún opnar sig um þetta í nýju YouTube-myndbandi.
„Það eru komnir 18 mánuðir síðan að ég varð svona veik og ég hef verið að prófa alls konar nýja hluti til að verða heilbrigð aftur og létta mig. Ég missti rúm tvö kíló, sem var frábært. En ég var að glíma við mikinn kvíða og þunglyndi og fyrir mánuði síðan fékk ég taugaáfall,“
Hún segir að taugaáfallið hafi verið samansafn af öllu því sem hafði gerst tvö árin á undan.
„Ég áttaði mig á því að ég hafði tapað eldmóðnum og sjálfstrausti mínu. Síðan heyrði ég eitt, sem bókstaflega breytti öllu fyrir mig,“ segir hún.
„Ég byrjaði að tileinka mér það og skyndilega passaði ég í fötin mín aftur, án þess að hafa reynt það.“
Loforð og markmið
Liezl segist hafa heyrt um frumkvöðullinn og milljarðamæringinn Ed Mylett. Hún hlustaði á viðtal með honum og hann sagði eitt sem virkilega hafði áhrif á hana.
„Hann sagði að þú getur ekki náð markmiði, jafnvel jafn einföldu markmiði og að létta þig, eða komast í betra form, eða verða heilbrigðari, þegar þú treystir ekki sjálfum þér, eða efast um sjálfan þig. Þú nærð ekki markmiði, ef þú trúir ekki að þú getir það,“ segir hún.
„Hann segir að þú þurfir að byggja upp traust til sjálfs þíns svo þú getir byggt upp sjálfstraustið þitt, svo þú getur náð markmiðum. Í grunninn, það sem hann er að segja, er að þú verður að standa við loforð þín til þín, til að geta treyst sjálfri þér.“
Liezl tekur dæmi.
„Þannig segjum að ég hef sett mér það markmið að verða heilbrigðari og koma mér í form. Ég segist ætla að mæta í ræktina fimm sinnum í viku og fylgja hollu matarplani. En síðan fylgi ég því ekki og mæti bara þrisvar í ræktina. Þannig þegar ég ætla að reyna að gera þetta aftur í komandi viku, þá treysti ég mér sjálfri ekki því ég hef ekki efnt loforð mín við mig. Þannig þegar þú endurtekur alltaf sama leikinn, þá treystirðu þér minna og minna.“
Samkvæmt Ed Mylett á að byrja á því að standa við loforð tengdum líkamlegu formi til að byggja upp sjálfstraust, og þegar það er komið þá áttu að geta farið út í heiminn og náð stærri markmiðum.
„Það sem ég gerði var að búa til æfingaplan fyrir vikuna og ég fylgdi því. Ég var líka með matarplan sem ég fylgdi. Ég hafði ákveðinn tíma til að vakna og fara að sofa, og ég fylgdi því líka,“ segir hún. Hún var líka með fyrirfram ákveðinn vinnutíma sem hún fylgdi. Ef hún var búin að skipuleggja það, þá fylgdi hún því. Eins einfalt og að búa um rúmið á morgnanna.
„Það sorglega er að við stöndum við loforð sem við gefum öðrum, en ekki þau loforð sem við gefum okkur sjálfum.“
En hvað gerðist?
„Ég passa aftur í fötin mín, ég léttist um nokkur kíló. En ég var ekki að hugsa um það. Ég var að hugsa um að standa við loforð mín. Þannig ég passaði að mæta í ræktina á hverjum degi, þó mig langaði ekki til þess. Ég passaði líka að fylgja matarplani mínu […] Ef ég ákvað að vinna í bókinni, sem ég er að skrifa, alla vikuna, þá gerði ég það.“
Eins einfalt og þetta hljómar þá snýst þetta um að standa við þau loforð sem þú gefur sjálfri þér.
