Það er óskrifuð regla að klæðast ekki hvítum eða mjög ljósum kjól í brúðkaup, hvað þá kjól með slóða.
En kærasta pabba brúðarinnar fékk greinilega ekki skilaboðin og mætti í brúðkaupið í ljósbleikum, þröngum kjól með slóða og stal sviðsljósinu eins og sjá má á myndinni hér að neðan.
Myndinni var deilt á Reddit af notandanum nicole3696.
Fyrst þegar maður horfir á myndina gæti maður haldið að um væri að ræða tvö brúðhjón en svo er ekki. „Kærasta föður brúðarinnar klæddist ljósum kjól með slóða í brúðkaup dóttur hans,“ skrifaði Nicole.
Netverjar voru ekki lengi að gagnrýna kærustuna og sökuðu hana um að „keppa“ við brúðina.
Hvað segja lesendur, má þetta bara?
