Instagram-fyrirsæta með 1,4 milljón fylgjendur segist þéna allt að 8,2 milljónir króna á ári fyrir að deila djörfum myndum.
Alexa Dellanos, 23 ára, er frá Miami. Hún rukkar um 750 þúsund krónur fyrir hverja Instagram-færslu á meðan hún ferðast um heiminn með kærasta sínum Alec Monopoly.
https://www.instagram.com/p/BxnJYP3HWws/
Alexa var í fjölmiðlanámi og ætlaði sér að verða sjónvarpskona en sagði skilið við þann ferill til að verða Instagram-stjarna snemma árs 2018 þegar hún tók eftir því að vinsældir hennar á miðlinum væru að aukast.
„Ég hreinskilnislega vissi ekki hversu mikill peningur væri í Instagram fyrr en ég byrjaði að meika það, nú líður mér eins og mér séu engin takmörk sett,“ segir Alexa við news.com.au.
https://www.instagram.com/p/By0KQzqngGp/
„Ég ákvað að ég myndi þéna þrisvar sinnum meira á samfélagsmiðlum en sem blaðamaður – og það hefði verið frábært tækifæri fyrir mig til að opna dyr mínar að skemmtanabransanum, en ég er að opna þessar dyr fyrir mig sjálf núna.“
Alexa er með 1,4 milljón fylgjendur á Instagram. Hún ferðast um heiminn með fræga kærasta sínum sem er listamaður, Alec Monopoly. Þau kynntust fyrir einu og hálfi ári síðan og kunna bæði dýra og fína hluti að meta.
Hún deilir myndum af sér léttklæddri ofan á dýrum bílum og í alls konar nærfötum.
https://www.instagram.com/p/Bzq-WGCHS8f/
Lífið sem Instagram-fyrirsæta er þó ekki alltaf dans á rósum. Alexa segir að það séu neikvæðar hliðar við lífsstílinn eins og þegar hún fékk blóm og bónorð sent heim til sín frá ókunnugri manneskju.
„Þetta var svo óhugnanlegt því ég hélt að enginn vissi hvar ég ætti heima. En ég hef flutt í burtu síðan þá. Ég hef einnig fengið sendar typpamyndir frá ókunnugum karlmönnum, en ég blokka viðkomandi alltaf strax því mér finnst þetta ógeðslegt,“ segir Alexa.
Alexa fær líka neikvæð skilaboð og ummæli sem hún segist hunsa. „Fólkið sem er í alvöru annt um mig og stolt af mér er það eina sem skiptir máli,“ segir hún.
https://www.instagram.com/p/B14dvJHHz0I/
Til að viðhalda útliti sínu hefur Alexa verið vegan í fimm ár, hreyft sig reglulega og eytt rúmlega þremur milljónum króna í fegrunaraðgerðir.
„Ég fór í brjóstastækkun árið 2018 og varafyllingu. Ég stækkaði líka rassinn minn aðeins sem ég mun tala um á YouTube-rásinni minni bráðlega,“ segir hún.