Hrafnhildur Þorsteinsdóttir náði yndislegu augnabliki upp á myndband þegar hún tilkynnti Sögu, dóttur sinni frá því að hún mætti eiga hvolpinn Pöndu sem hún hélt á.
Þetta var um síðustu verslunarmannahelgi og við höfðum ákveðið að fá okkur hund. Ég var þó með aðra tegund í huga en þegar Panda kom í heimsókn í sumarbústaðinn sem við vorum í þá var ekki aftur snúið, enda féllum við öll fyrir henni,
segir Hrafnhildur í samtali við Bleikt.
Ég náði þessu fallega augnabliki þegar við ákváðum að segja henni að hún mætti eiga hvolpinn hana Pöndu. Hún gleður okkur alla daga ❤️ Lanþráður draumur orðin að veruleika. (P.s. það var undirbúningur til margra ára. Minn draumur, okkar draumur ?)
Posted by Hrafnhildur P Þorsteins on 16. febrúar 2018
Saga Þórsdóttir er 11 ára gömul og mikill dýravinur. Hún átti fyrir einn kött, páfagauka og hesta en hafði alltaf dreymt um að eiga hund. Gleðin var því mikil og tilfinningarnar brutust út þegar móðir hennar tilkynnti henni að hún fengi að taka Pöndu með sér heim.
Hrafnhildur segir að Panda gleðji hvern þann sem hún hittir enda sé hún yndislegur karakter.
