Frægur Youtube bloggari með um 10 milljónir fylgjenda er nú staddur á Íslandi. Ætlar hann sér að heimsækja helstu ferðamannastaði landsins og rekja söguna dag frá degi á Youtube rás sinni.
Vitaly Zdorovetskiy er frá Rússlandi en áður en hann gerðist frægur á Youtube reyndi hann fyrir sér í klámbransanum.
Youtube rás Vitaly er þekktust fyrir vægðarlausa hrekki og hefur hann reglulega verið handtekinn fyrir að ganga of langt. Þar má nefna hrekk þar sem Vitaly hótaði sprengjuárás sem fór úr böndunum.
Eitt frægasta myndband Vitaly „Gold Digger Prank“ sem fékk meira en 18 milljónir áhorf á innan við viku og gerði rás hans að þriðju vinsælustu Youtube rás heimsins þá vikuna ættu margir Íslendignar að kannast við. Þar reyndi Vitaly við unga konu sem hafnaði honum þar til hún hélt að hann væri á Lamborghini Galardo sport bíl. Þá ætlaði hún að koma með honum en áttar sig fljótt á því að um misskilning var að ræða.
Gold Digger Prank myndband Vitaly má sjá hér að neðan:
