Ebba Sig hefur alla sína tíð verið í megrun, ekki vegna þess að móðir hennar hvatti hana til þess heldur einungis vegna þess að hún sá aldrei neinar konur í sjónvarpi, kvikmyndum eða tímaritum sem ekki voru grannar.

Allir sem ég þekkti voru að reyna að grennast af því að markmiðið var að vera grannur. Að vera feitur var ógeð.

Segir Ebba í einlægum pistli á Facebook.

Ebba segist hafa prófað alla megrunarkúrana í bókinni nema að sauma saman á sér munninn til þess að geta ekki borðað.

Einu sinni missti ég 30 kíló og fólk kom fram við mig eins og ég hefði fundið lækningu á krabbameini. Það spurði hvort mér liði ekki vel, hvort mér væri ekki létt og sagði mér að ég væri hetja.

Ebba segir þó að henni hafi ekki liðið vel. Hún hafi einungis verið að fylgja einhverri brenglaðri megrun sem hún náði svo ekki að halda sér við og hafi að lokum bætt öllu á sig aftur.

 Í fyrra ákvað ég að hætta að fara í megrun. Ég gat það í nokkra mánuði en byrjaði samt aftur. En núna er ég bara hætt. Ég get ekki meir. Ég elska sjálfa mig of mikil til þess að kvelja mig svona stanslaust.

Ebba segir að í dag sé hún í stærð 20 og hefur aldrei verið hamingjusamari.

Mér líður sjúklega vel en ég er ekki að setja út á fólk sem hreyfir sig og borðar mjög hollt eða er á einhverjum kúr. Heldur bara að biðja fólk um að leyfa okkur sem erum feit að vera það í friði laus við fordóma. Ég er ekki þunglynd, ég er ekki óhamingjusöm og ég er ekki veik. Ég er bara feit. Og ég er ógeðslega flott og fierce.

Ebba segist styðja konur eins og Töru Margréti, Tess Holiday og Ashley Graham sem brjóta staðalímyndir.

Þær hefðu verið fullkomnar fyrirmyndir fyrir 10 ára Ebbu þegar hún reyndi allt til að verða jafn mjó og Jennifer Aniston. Þær eru það allavega núna.