Árið 2014 fór ljósmyndarinn Camilia Courts og fjölskyldan hennar í Disneyland. Þar fór fimm ára dóttir hennar í Bibbidi Bobbidi Boutique, það er búningaverslun þar sem er hægt að fara í prinsessu „makeover.“ Með myndavélina að vopni tók Camilia myndir af dóttur sinni sem Elsa í Frozen og deildi myndinni á Facebook.

Myndin fékk mjög jákvæð viðbrögð frá fjölskyldu og vinum og ákvað Camilia í kjölfarið að halda áfram með þessa skemmtilegu hugmynd. Ljósmyndaserían The Magical World of Princesses, eða töfrandi heimur prinsessa, varð til.

Í ljósmyndaseríunni bregður dóttir Camiliu sér í gervi mismunandi prinsessa og stundum er Camilia með á myndunum sem ilmenni. Þær nota búninga, hárkollur og stundum förðunarfræðinga til að gera myndirnar eins raunverulegar og þær geta.

Af og til vil ég vera með í fjörinu, mér finnst miklu skemmtilegra að vera illmennið heldur en að vera með kórónuna,

sagði hún við My Modern Met. Dóttir Camiliu er mjög feimin og hefur verkefnið hjálpað henni að komast úr skelinni.

Sjálfstraust hennar hefur aukist gífurlega síðan við byrjuðum á verkefninu,

sagði Camilia. Sjáðu þessar stórkostlegu töfrandi myndir hér fyrir neðan.